Oddnews
200 രൂപ പിന്‍വലിക്കാന്‍ എ ടി എമ്മില്‍ എത്തിയ ആള്‍ക്ക് കിട്ടിയത് 24 ലക്ഷം രൂപ
ഹൈദരാബാദ്: 200 രൂപ പിന്‍വലിക്കാന്‍ എ ടി എമ്മില്‍ എത്തിയ ആള്‍ക്ക് കിട്ടിയത് 24 ലക്ഷം രൂപ. ഹൈദരാബാദ് സ്വദേശിയായ ശൈഖ് ലത്തീഫ് അലിക്കാണ് ഞെട്ടിക്കുന്ന അനുഭവമുണ്ടായത്. തന്റെ എക്കൗണ്ടില്‍ നിന്ന് 200 രൂപ പിന്‍വലിക്കാനാണ് ഇയാള്‍ സ്റ്റേറ്റ് ബാങ്ക് ഓഫ് ഹൈദരാബാദിന്റെ എ ടി എമ്മില്‍ കയറിയത്. കാര്‍ഡിട്ട് പിന്‍ നമ്പറും പിന്‍വലിക്കേണ്ട തുകയും അടിച്ച് കാത്തിരുന്ന ലത്തീഫിന്റെ മുന്നിലേക്ക് കാഷ് ട്രേയിലെത്തിയത് 24 ലക്ഷം രൂപയുടെ നോട്ട് കെട്ടുകളായിരുന്നു.
അമ്പരന്നു പോയ ലത്തീഫ് പുറത്തു നില്‍ക്കുകയായിരുന്ന സുഹൃത്തുക്കളെ വിളിച്ച് വിവരം പറഞ്ഞു. സെക്യൂരിറ്റി ഗാര്‍ഡിനെ അന്വേഷിച്ചെങ്കിലും എ ടി എമ്മില്‍ സെക്യൂരിറ്റി ഗാര്‍ഡ് ഉണ്ടായിരുന്നില്ല. ബാങ്കില്‍ ബന്ധപ്പെടാന്‍ ശ്രമിച്ചെങ്കിലും കഴിഞ്ഞില്ല. തുടര്‍ന്ന് ഇവര്‍ പോലീസില്‍ വിവരമറിയിക്കുകയായിരുന്നു. പോലീസെത്തിയാണ് തുക എണ്ണിത്തിട്ടപ്പെടുത്തിയത്. എ ടി എമ്മില്‍ പണം നിറച്ച ശേഷം അത് ശരിയായ രീതിയില്‍ ലോക്ക് ചെയ്യാന്‍ അധികൃതര്‍ മറന്നതാണ് വിചിത്ര സംഭവത്തിന് കാരണമായത്.
ലത്തീഫിന്റെയും സുഹൃത്തുക്കളുടേയും സത്യസന്ധതയെ പോലീസ് അഭിനന്ദിച്ചു. ലത്തീഫിന് പ്രശംസാപത്രവും കാഷ് അവാര്‍ഡും നല്‍കിയാണ് പോലീസ് ലത്തീഫിനെ ആദരിച്ചത്.
Latest
മഹാരാഷ്ട്രയിലും ഝാര്ഖണ്ഡിലും വോട്ടെണ്ണല് തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്ഖണ്ഡിലും ഇന്ന് വോട്ടെണ്ണല്
ചുവപ്പണിഞ്ഞ് ചേലക്കര; യു ആര് പ്രദീപ് ലീഡ് 11,936
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
