Ongoing News
വനിതകളുടെ ഫെന്‍സിംഗില്‍ കേരളത്തിന് രണ്ടു സ്വര്‍ണം
കൊച്ചി: ദേശീയ ഗെയിംസ് ഫെന്‍സിംഗില്‍ രണ്ട് സ്വര്‍ണവുമായി കേരളത്തിന് ഉജ്ജ്വല തുടക്കം. അങ്കത്തട്ടില്‍ വാള്‍ ചുഴറ്റാനിറങ്ങിയ കേരള വനിതകളാണ് മെഡല്‍ വേട്ട നടത്തിയത്. വ്യക്തിഗത സാബ്രെ വിഭാഗത്തില്‍ സി എ ഭവാനി ദേവിയും എപ്പി വിഭാഗത്തില്‍ ടീം ക്യാപ്റ്റന്‍ വി പി ദില്‍നയുമാണ് കേരളത്തിനുവേണ്ടി സ്വര്‍ണമണിഞ്ഞത്. പുരുഷ, വനിതാ വിഭാഗങ്ങളില്‍ രണ്ട് വെങ്കലവും ആതിഥേയര്‍ സ്വന്തമാക്കി. വ്യക്തിഗത സാബ്രെ വിഭാഗം ഫൈനലില്‍ പഞ്ചാബിന്റെ കോമള്‍ പ്രീതി ശുക്ലയെയാണ് ഭവാനി കീഴടക്കിയത്. സ്‌കോര്‍ 15-6. എപ്പി വിഭാഗം ഫൈനലില്‍ അസമിന്റെ കവിതാ ദേവിയെയാണ് ഇഞ്ചോടിഞ്ച് പോരാട്ടത്തില്‍ ദില്‍ന പരാജയപ്പെടുത്തിയത്. സ്‌കോര്‍ 15-14. ഇക്കുറി ഏഷ്യന്‍ സീനിയര്‍ ചാമ്പ്യന്‍ഷിപ്പില്‍ വെള്ളി നേടിയ ഭവാനി ദേവി പ്രതീക്ഷക്കൊത്ത പ്രകടനവുമായാണ് സ്വര്‍ണം സ്വന്തമാക്കിയത്. മെന്‍സ് ഫോയില്‍ വിഭാഗത്തില്‍ കെ വിഭീഷാണ് വെങ്കലം നേടിയത്. സെമിയില്‍ സര്‍വീസസിന്റെ വി വിനോദ് കുമാറിനോടാണ് വിഭീഷ് പരാജയപ്പെട്ടത്. എപ്പി വനിതാ വിഭാഗത്തില്‍ കേരളത്തിന്റെ സ്വര്‍ണ പ്രതീക്ഷയായിരുന്ന സ്‌റ്റെഫിത ചാലില്‍ സെമിയില്‍ പരാജയപ്പെട്ടത് തിരിച്ചടിയായി.
Latest
പുഴുവരിച്ച അരി; ഭക്ഷ്യ കമ്മീഷന് വിശദീകരണം നല്‍കി വയനാട് എ ഡി എം
ഷാര്‍ജ അന്താരാഷ്ട്ര പുസ്തകമേളയില്‍ പ്രവാസി രിസാല ഐ പി ബി സ്റ്റാള്‍ ഉദ്ഘാടനം ചെയ്തു
ദിവ്യയ്ക്ക് ജാമ്യം നല്‍കിയത് ജുഡീഷ്യറി; അതിനെ രാഷ്ട്രീയവുമായി ചേര്‍ത്തുവെക്കരുത്: എം വി ഗോവിന്ദന്‍
വയനാട്ടിലെ ഭക്ഷ്യ കിറ്റ് വിവാദം; വിജിലന്‍സ് അന്വേഷണത്തിന് ഉത്തരവിട്ട് മുഖ്യമന്ത്രി
'നവീന്‍ ബാബുവിന്റെ മരണത്തില്‍ ദുഃഖമുണ്ട്; തന്റെ ഇടപെടല്‍ സദുദ്ദേശപരമായിരുന്നു, നിരപരാധിത്വം കോടതിയില്‍ തെളിയിക്കും': പി പി ദിവ്യ
ഹിന്ദു മല്ലു വാട്‌സാപ്പ് ഗ്രൂപ്പ്; ഹാക്കിംഗ് നടന്നതായി ഫോറന്‍സിക് റിപോര്‍ട്ടിലും സ്ഥിരീകരണമില്ല
