Gulf
അംബരചുംബിക്ക് മുകളില്‍ ഹോവര്‍ബോര്‍ഡില്‍ അത്ഭുതം സൃഷ്ടിച്ച് യുവാവ്
ദുബൈ:കാഴ്ചക്കാര്‍ക്ക് സ്വന്തം കണ്ണുകളെ വിശ്വാസത്തിലെടുക്കാന്‍ കഴിയാത്ത രീതിയിലുള്ളതായിരുന്നു ആകാശം മുട്ടിനില്‍ക്കുന്ന നഗരത്തിലെ കെട്ടിടത്തിന് മുകളില്‍ സെര്‍ബിയന്‍ യുവാവ് ഹോവര്‍ബോര്‍ഡില്‍ നടത്തിയ പ്രകടനം. കണ്ടവര്‍ ഒന്നടങ്കം പറഞ്ഞു ഇനി ഒരിക്കലും നീ ഇത്തരത്തില്‍ ഒന്നിന് മുതിരരുതെന്ന്. യാതൊരു സുരക്ഷാ മുന്‍കരുതലും എടുക്കാതെയാണ് ഒലിഗ് ക്രിക്കറ്റ് എന്ന സെര്‍ബിയന്‍ യുവാവ് നഗരവാസികളെ ഹോവര്‍ബോര്‍ഡില്‍ തന്റെ പ്രാവീണ്യം തെളിയിച്ച് അമ്പരപ്പിച്ചത്. കണ്ടവര്‍ക്കൊന്നും ആ ദൃശ്യം ഒരിക്കല്‍ കൂടി കാണാന്‍ കരുത്തുണ്ടായിരുന്നില്ല. ഈ കുട്ടിക്കെന്താ ഭ്രാന്താണോ ഇത്തരത്തില്‍ ജീവന്‍ പണയംവെച്ചൊരു പ്രകടനം നടത്താനെന്നായിരുന്നു ഏവരും ഒരേ സ്വരത്തില്‍ അഭിപ്രായപ്പെട്ടത്.
ഉരുളുന്ന ചക്രമുള്ള ഇത്തിരിപ്പോന്ന കളിപ്പാട്ടത്തില്‍ ഇത്തരം ഒന്നിന് അധികമാരും മുതിരില്ലെന്ന് തീര്‍ച്ച. നന്നേ ചെറുപ്പത്തിലേ വ്യത്യസ്തനായ ഒരാളായി അറിയപ്പെടണമെന്ന ആഗ്രഹമാണ് 16ാം വയസില്‍ സ്റ്റംണ്ടിന്റെ ലോകത്തേക്ക് ഒലിഗിനെ എത്തിച്ചത്. പിന്നീട് ജിംനാസ്റ്റിക്‌സും അക്രോബാറ്റിക്‌സും ആയോധന കലകളും അഭ്യസിച്ച ശേഷമാണ് ഹോവര്‍ബോര്‍ഡിലേക്ക് തിരിഞ്ഞത്. യുവാവ് പുതുതായി പുറത്തുവിട്ട വീഡിയോയിലാണ് ത്രസിപ്പിക്കുന്ന ഈ കാഴ്ച ഉള്‍പെടുത്തിയിരിക്കുന്നത്. ഞാന്‍ എങ്ങനെ ഇപ്പോഴും ജീവിക്കുന്നുവെന്നും ഒരു പക്ഷേ താന്‍ മരണമില്ലാത്തവനാവാമെന്നും ഒലിഗ് വീഡിയോയില്‍ വ്യക്തമാക്കുന്നുണ്ട്.
Latest
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്‍
നൂറുല്‍ ഉലമ; വാക്കും വരയും പടവാളാക്കിയ പണ്ഡിതന്‍ :എന്‍ അലി അബ്ദുല്ല
നഴ്‌സിങ് വിദ്യാര്‍ഥിനിയുടെ മരണം; സഹപാഠികളെ കസ്റ്റഡിയില്‍ കിട്ടാന്‍ പോലീസ് കോടതിയില്‍ അപേക്ഷ നല്‍കി
തിരുവനന്തപുരത്തും കോട്ടയത്തുമായി കഞ്ചാവുമായി രണ്ട് പേര്‍ പിടിയില്‍
കര്‍ണാടകയിലും കരുത്തറിയിച്ച് കോണ്‍ഗ്രസ്; ദയനീയ പരാജയവുമായി ബിജെപി
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
