Gulf

ഹാദിയ പരീക്ഷാ റാങ്ക് ജേതാക്കളെ പ്രഖ്യാപിച്ചു

Published

May 25, 2018 5:31 pm |

Last Updated

May 25, 2018 5:31 pm

ദുബൈ: ഹാദിയ വിമന്‍സ് അക്കാഡമി ജി സി തലത്തില്‍ നടത്തിയ ഒന്നാം സെമസ്റ്റര്‍ ഫൈനല്‍ പരീക്ഷയിലെ റാങ്ക് ജേതാക്കളെ കേരള മുസ്ലിം ജമാ അത്ത് പ്രസിഡന്റ് കാന്തപുരം എ പി അബൂബക്കര്‍ മുസ്ലിയാര്‍ ദുബൈയില്‍ പ്രഖ്യാപിച്ചു. ആറു ഗള്‍ഫ് രാജ്യങ്ങളിലായി നൂറുകണക്കിനു സ്റ്റഡി സെന്ററുകളില്‍ ഒരുവര്‍ഷത്തോളം നീണ്ട കോഴ്‌സ് പൂര്‍ത്തിയാക്കി ആയിരക്കണക്കിനു വനിതകളാണു ഈ മാസം പതിനൊന്നിനു നടന്ന ഫൈനല്‍ പരീക്ഷക്കിരുന്നത്.

സ്ത്രീകളുടെ വിദ്യാഭ്യാസത്തിനും ഇസ്ലാമിക സ്വത്വരൂപീകരണത്തിനും മുന്തിയ പരിഗണനയാണു വിശുദ്ധ ഇസ്ലാം മുന്നോട്ടു വെക്കുന്നതെന്നും ഇസ്ലാമിക തനിമയുള്ള സ്ത്രീകളുടെ സൃഷ്ടിപ്പിലൂടെ സമൂഹത്തില്‍ വലിയ മാറ്റങ്ങള്‍ വരുത്താന്‍ സാധിക്കുമെന്നും റാങ്ക് ജേതാക്കളെ പ്രഖ്യാപിച്ചു കൊണ്ട് കാന്തപുരം പറഞ്ഞു.

വിശ്വാസം, വ്യക്തിത്വം, സംസ്‌കരണം എന്നീ തല വാചകങ്ങളില്‍ രൂപപ്പെടുത്തിയ പാഠ്യപദ്ധതി നടത്തിപ്പിനു വനിതകള്‍ തന്നെയാണു നേതൃത്വം നല്‍കിയത്. ഇതിന്നായി വ്യത്യസ്ത പേരുകളിലായി കോര്‍ഡിനേറ്റര്‍മാരും പ്രവര്‍ത്തിച്ചിരുന്നു. നിരവധി പാഠ്യേതര അനുബന്ധ പ്രവര്‍ത്തനങ്ങളും കോഴ്‌സിന്റെ ഭാഗമായി തയ്യാറാക്കിയിരുന്നു. എം ഇ ദഅ വ വിഭാഗത്തിന്റെ കീഴിലാണു പ്രവര്‍ത്തനങ്ങള്‍ ഏകോപിച്ചത്.

ഗാര്‍ഹികാന്തരീക്ഷത്തിനു പ്രകാശം പരത്തേണ്ട സ്ത്രീസമൂഹത്തിന് കരുത്തുപകരുകരാന്‍ ഹാദിയ അക്കാഡമിയുടെ പ്രവര്‍ത്തനത്തിലൂടെ സാധിച്ചുവെന്നും പ്രവര്‍ത്തനങ്ങള്‍ ഏറ്റെടുത്ത് നടത്തിയ എല്ലാ ഘടകങ്ങളെയും മെന്റേര്‍സ്, കോഴ്സ് ഡയറക്ടര്‍, ഡീന്‍, റഈസ, അമീറ, ഉമൈറ തുടങ്ങിയവരെയും അഭിനന്ദിക്കുന്നതായും ഐ സി എഫ് മിഡില്‍ ഈസ്റ്റ് കൗണ്‍സില്‍ പ്രസിഡന്റ് സയ്യിദ് അബ്ദുര്‍ റഹ്മാന്‍ ആറ്റക്കോയ തങ്ങള്‍ പറഞ്ഞു.

ഫൈനല്‍ പരീക്ഷ റാങ്ക് വിവരങ്ങള്‍: ജി സി തലം