National
മോദി-ഷാ ദ്വയം വീണ്ടും അധികാരത്തിലെത്തിയാല്‍ ഉത്തരവാദി രാഹുല്‍ മാത്രം: കെജ്‌രിവാള്‍
ന്യൂഡല്‍ഹി: ബി ജെ പിക്കും പ്രധാന മന്ത്രി നരേന്ദ്ര മോദിക്കുമെതിരെ ശക്തമായ ആക്രമണവുമായി ആം ആദ്മി പാര്‍ട്ടി (എ എ പി) യുടെ പ്രകടന പത്രിക പുറത്തിറക്കി. 2019ലെ ലോക്‌സഭാ തിരഞ്ഞെടുപ്പ് രാജ്യത്ത് നിര്‍ണായക വഴിത്തിരിവു സൃഷ്ടിക്കുമെന്ന് പത്രിക പ്രകാശനച്ചടങ്ങില്‍ ഡല്‍ഹി മുഖ്യമന്ത്രിയും എ എ പി തലവനുമായ അരവിന്ദ് കെജ്‌രിവാള്‍ പറഞ്ഞു.
രാജ്യത്തെയും ഭരണഘടനയെയും സംരക്ഷിക്കാനുള്ളതാണ് ഈ തിരഞ്ഞെടുപ്പ്. നമ്മളെല്ലാം ഇന്ത്യക്കാരാണ്. അതിനു ശേഷം മാത്രമെ ഹിന്ദുവും മുസ് ലിമുമൊക്കെ ആകുന്നുള്ളൂ. കെജ്‌രിവാള്‍ പറഞ്ഞു. ന്യൂനപക്ഷ വിരുദ്ധരായ ബി ജെ പിയെ തോല്‍പ്പിക്കുന്നതിനും പ്രധാന മന്ത്രി നരേന്ദ്ര മോദിയെയും ബി ജെ പി അധ്യക്ഷന്‍ അമിത് ഷായെയും അധികാരത്തില്‍ നിന്ന് താഴെയിറക്കുന്നതിനുമാണ്‌ എ എ പി പരമ പ്രാധാന്യം നല്‍കുന്നതെന്ന് അദ്ദേഹം വ്യക്തമാക്കി.
മോദി-ഷാ ദ്വയത്തിന്റെ ഭരണം അവസാനിപ്പിക്കുന്നതിന് സാധ്യമായതെല്ലാം ചെയ്യും. ബി ജെ പി ഇതരമായ ഏതു സര്‍ക്കാറിനും പിന്തുണ നല്‍കാന്‍ തങ്ങള്‍ തയാറാണ്.
അതേസമയം, എ എ പിയുമായി സഖ്യം രൂപവത്കരിക്കുന്നതില്‍ പരാജയപ്പെട്ട കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ കെജ്‌രിവാള്‍ രൂക്ഷമായി വിമര്‍ശിച്ചു. മോദി-ഷാ ദ്വയം വീണ്ടും അധികാരത്തിലെത്തിയാല്‍ ഉത്തരവാദി രാഹുല്‍ മാത്രമായിരിക്കുമെന്നും അദ്ദേഹം പറഞ്ഞു. സഖ്യം രൂപവത്കരിക്കാന്‍ എ എ പി പരമാവധി ശ്രമിച്ചിട്ടും കോണ്‍ഗ്രസ് അത് ഗൗരവമായി കണ്ടില്ല.
ഡല്‍ഹിക്ക് സംസ്ഥാന പദവി ലഭിക്കാനുള്ള പോരാട്ടം തുടരുമെന്നും എ എ പി തലവന്‍ കൂട്ടിച്ചേര്‍ത്തു.
Latest
വാഹന നിർമാതാക്കളായ ഹോണ്ടയും നിസ്സാനും ലയിക്കുന്നു; ധാരണാപത്രം ഒപ്പുവെച്ചു
അങ്കണ്‍വാടിയിലെ ഭക്ഷ്യവിഷബാധ; റിപോര്‍ട്ട് തേടി ഹൈക്കോടതി
കാസര്‍കോട് അബ്ദുല്‍ സലാം വധക്കേസ്; ആറ് പ്രതികള്‍ക്കും ജീവപര്യന്തം തടവും പിഴയും
മുഖ്യമന്ത്രിയുടെ വാഹനവ്യൂഹം വീണ്ടും അപകടത്തില്‍പ്പെട്ടു
ഇരുകൈകളും ബന്ധിച്ച് വേമ്പനാട്ടുകായല്‍ നീന്തിക്കടക്കാന്‍ ഒരുങ്ങി നാലാം ക്ലാസ്സുകാരി
പഞ്ചര്‍ ഒട്ടിക്കുന്നതിനിടെ ടയര്‍ പൊട്ടിത്തെറിച്ച് യുവാവിന് ഗുരുതര പരുക്ക്
