പൂർവാധികം മനോഹാരിതയോടെ ഡി എസ് എസ് വരുന്നു  

ദുബൈ | ഈ വർഷത്തെ ദുബൈ വേനൽ വിസ്മയോത്സവം (ഡി എസ് എസ്) ജൂലൈ 9 മുതൽ ആഗസ്റ്റ് 29 വരെ. കൊവിഡ് കാലം എന്നത് കൊണ്ട് പൊലിമ കുറയില്ലെന്നു ദുബൈ ഫെസ്റ്റിവൽസ് ആന്റ് റീട്ടെയിൽ എസ്റ്റാബ്ലിഷ്മെന്റ് (ഡി എഫ് ആർ ഇ)അറിയിച്ചു. നഗരം സജീവമായിട്ടുണ്ട്. ഇത്തവണയും പ്രമോഷനുകൾ, കലാ പ്രദർശനങ്ങൾ, വിനോദം എന്നിവയുടെ ആവേശകരമായ നിര ഉണ്ടാകും. കൂടാതെ ഈദ് അൽ അദ, ബാക് ടു സ്‌കൂൾ എന്നിവയുൾപെടെ നിരവധി ഉത്സവങ്ങളുമായി സംയോജിപ്പിക്കും.

പ്രചാരണ പരിപാടികൾ ഉടൻ ആരംഭിക്കും. താമസക്കാർക്കും നഗരം സന്ദർശിക്കുന്ന സഞ്ചാരികൾക്കും ഈ വേനൽക്കാല സീസൺ പ്രതീക്ഷിക്കാനുണ്ട്. ഡി എസ് എസിന്റെ 23-ാം പതിപ്പാണിത്. ഈ വർഷം, എന്നത്തേക്കാളും കൂടുതൽ, നഗരവാസികളെയും സന്ദർശകരെയും സ്വാഗതം ചെയ്യാൻ ആഗ്രഹിക്കുന്നുവെന്ന് ദുബൈ ഫെസ്റ്റിവൽസ് ആന്റ് റീട്ടെയിൽ എസ്റ്റാബ്ലിഷ്മെന്റ് (ഡി എഫ് ആർ ഇ) സി ഇ ഒ അഹമ്മദ് അൽ ഖാജ പറഞ്ഞു,  അതേസമയം അവരുടെ ആരോഗ്യവും സുരക്ഷയും ഞങ്ങൾക്ക് പ്രധാനമാണ്. ഏറ്റവും ഉയർന്ന നിലയിൽ മുൻഗണന നൽകും.

മാളുകളിലും റീട്ടെയിൽ സ്റ്റോറുകളിലും ഉടനീളം അധിക സുരക്ഷാ നടപടികൾ ഏർപെടുത്തും. ഡിഎസ്എസിന്റെ വിജയകരവും സുരക്ഷിതവുമായ മറ്റൊരു പതിപ്പിനെ ഞങ്ങൾ പ്രതീക്ഷിക്കുന്നു. നഗരം അഭിവൃദ്ധി പ്രാപിക്കുമ്പോൾ, ഏഴ് ആഴ്ചകളിൽ ജനപ്രിയ പരിപാടികളും പ്രമോഷനുകളും തിരികെയെത്തും. ഒപ്പം എല്ലായിടത്തും ഷോപ്പർമാരെ ഉത്സവങ്ങളിൽ പങ്കെടുക്കാൻ അനുവദിക്കുന്ന പുതിയ രീതി ഉണ്ടാകും

നഗരം മികച്ച ചില്ലറ വിൽപന, വിനോദ കേന്ദ്രമായി തുടരും. അതുപോലെ തന്നെ നൂതനമായ വെർച്വൽ പ്രദർശനങ്ങളും കാണാനാകും. ഇത് വേനൽക്കാലം മുഴുവൻ എല്ലാവരേയും ആസ്വദിക്കാൻ സഹായിക്കും. വിവരങ്ങൾക്ക് www.dubaisummersurprises.com, @DSSsocial