Business
ഓണ്‍ലൈന്‍ ഫാര്‍മസി നെറ്റ്‌മെഡ്‌സിന്റെ ഭൂരിപക്ഷം ഓഹരികളും സ്വന്തമാക്കി റിലയന്‍സ്
ബെംഗളൂരു | ഓണ്‍ലൈന്‍ ഫാര്‍മസിയായ നെറ്റ്‌മെഡ്‌സിന്റെ ഭൂരിപക്ഷം ഓഹരികളും സ്വന്തമാക്കി റിലയന്‍സ് ഇന്‍ഡസ്ട്രീസ്. 620 കോടി രൂപയുടെ ഓഹരികളാണ് റിലയന്‍സ് ഏറ്റെടുത്തത്. ഓണ്‍ലൈന്‍ ചില്ലറ വ്യാപാര ഭീമനായ ആമസോണ്‍.കോം രാജ്യത്ത് ഓണ്‍ലൈന്‍ മരുന്ന് വ്യാപാരം ആരംഭിച്ച് ദിവസങ്ങള്‍ക്കകമാണ് റിലയന്‍സിന്റെ ഇടപാട്.
വിറ്റാലിക് ഹെല്‍ത്ത് കമ്പനിയുടെയും അനുബന്ധ കമ്പനികളുടെയും കൂട്ടായ പേരാണ് നെറ്റ്‌മെഡ്‌സ്. വിറ്റാലിക് കമ്പനിയില്‍ 60 ശതമാനം നിക്ഷേപമാണ് ഇതോടെ റിലയന്‍സിനുള്ളത്. അനുബന്ധ കമ്പനികളില്‍ നൂറ് ശതമാനം ഉടമസ്ഥതയുമുണ്ട്.
ആധികാരിക പ്രിസ്‌ക്രിപ്ഷന്‍ നല്‍കുന്ന രാജ്യത്തെ ലൈസന്‍സുള്ള ഇ-ഫാര്‍മ വെബ്‌സൈറ്റാണ് നെറ്റ്‌മെഡ്‌സ്. മരുന്നുകളും മറ്റ് ആരോഗ്യസംബന്ധിയായ ഉത്പന്നങ്ങളും നല്‍കുന്നുണ്ട്. കൊവിഡ് പ്രതിസന്ധിയുടെ കാലത്ത് മരുന്ന് അടക്കമുള്ള വസ്തുക്കളുടെ ഓണ്‍ലൈന്‍ വ്യാപാരം വര്‍ധിച്ചിട്ടുണ്ട്. പ്രധാന ഓണ്‍ലൈന്‍ വ്യാപാര വേദികളായ ആമസോണ്‍, ഫ്ളിപ്കാര്‍ട്ട്, റിലയന്‍സിന്റെ ജിയോമാര്‍ട്ട് തുടങ്ങിയവ തമ്മില്‍ വലിയ മത്സരമാണുള്ളത്.
Latest
മുംബൈയില്‍ ഓടിക്കൊണ്ടിരുന്ന ലംബോര്‍ഗിനി കാര്‍ കത്തിനശിച്ചു.
ഭാര്യയെ പരിചരിക്കാന്‍ സ്വയം വിരമിച്ചു; യാത്രയയപ്പ് പാര്‍ട്ടിയില്‍വെച്ച് ഭാര്യ കുഴഞ്ഞുവീണു മരിച്ചു
എം ടി കേരളത്തിന് നികത്താനാവാത്ത നഷ്ടം; മന്ത്രി മുഹമ്മദ് റിയാസ്
കസാഖിസ്ഥാനില്‍ യാത്രാവിമാനം തകര്‍ന്ന് മരിച്ചത് 42 പേര്‍; റിപ്പോര്‍ട്ട്
കുറവാ സംഘത്തിനു പിന്നാലെ മറ്റൊരു തമിഴ് മോഷണ സംഘവും കേരളത്തില്‍
സ്‌കൂട്ടറില്‍ നിന്ന് തെറിച്ചുവീണ രണ്ടര വയസുകാരി ലോറി കയറിയിറങ്ങി മരിച്ചു
