Fact Check
FACT CHECK: ബംഗാളില്‍ ക്ഷേത്രത്തിലെ തീപ്പിടിത്തത്തിനും വര്‍ഗീയനിറം
കൊല്‍ക്കത്ത | പശ്ചിമ ബംഗാളിലെ മുര്‍ശിദാബാദില്‍ കാളി ക്ഷേത്രത്തിലുണ്ടായ തീപ്പിടിത്തത്തില്‍ വിഗ്രഹം കത്തിയതിനും വര്‍ഗീയ നിറം ചാര്‍ത്താന്‍ സാമൂഹിക മാധ്യമങ്ങളില്‍ ശ്രമം. ബി ജെ പിയുടെ സംസ്ഥാന വൈസ് പ്രസിഡന്റും പാര്‍ലിമെന്റംഗവുമായ അര്‍ജുന്‍ സിംഗ് ആണ് തന്റെ ട്വിറ്റര്‍ അക്കൗണ്ടിലൂടെ വര്‍ഗീയ വിളവെടുപ്പിന് ശ്രമിക്കുന്നത്. അതേസമയം, സംഭവം വര്‍ഗീയമല്ലെന്നും അപകടമാണെന്നും മുര്‍ശിദാബാദ് പോലീസ് അറിയിച്ചു.
മുര്‍ശിദാബാദിലെ ആലംപൂരിലെ ക്ഷേത്രത്തില്‍ കഴിഞ്ഞ തിങ്കളാഴ്ചയാണ് തീപ്പിടിത്തമുണ്ടായത്. സംഭവത്തില്‍ നിംതാല കാളിമന്ദിറിലെ വിഗ്രഹത്തിന് കേടുപാടുകള്‍ പറ്റി. തീപ്പിടിത്തത്തിന് മുമ്പുള്ള വിഗ്രഹത്തിന്റെയും അതിന്റെ ശേഷവുമുള്ള ചിത്രങ്ങള്‍ വെച്ചാണ് അര്‍ജുന്‍ സിംഗ് എം പി വര്‍ഗീയ പരാമര്‍ശത്തോടെ ട്വീറ്റ് പോസ്റ്റ് ചെയ്തത്.
The jihadi nature of Didi”s politics is now hell bent on destroying Hindu religion and culture.
See how one religious group has attacked and destroyed a temple and burned the idol of Maa Kali in Murshidabad area of West Bengal.Shameful. pic.twitter.com/lTnyiV9ctV
— Arjun Singh (@ArjunsinghWB) September 1, 2020
ഒരു മതസംഘം ക്ഷേത്രം തകര്‍ത്ത് കാളി വിഗ്രഹത്തിന് തീവെച്ചത് എങ്ങനെയാണെന്ന് നോക്കൂ എന്നാണ് അര്‍ജുന്‍ സിംഗിന്റെ ട്വീറ്റിലുള്ളത്. ദീദിയുടെ രാഷ്ട്രീയത്തിന്റെ ജിഹാദി സ്വഭാവം ഹിന്ദു മതത്തെയും സംസ്‌കാരത്തെയും നശിപ്പിക്കുന്നതിലെത്തിയിരിക്കുന്നു എന്നും അര്‍ജുന്‍ സിംഗിന്റെ ട്വീറ്റിലുണ്ട്. സാമൂഹിക മാധ്യമങ്ങളില്‍ ഇത് വ്യാപകമായി പ്രചരിക്കുന്നുണ്ട്.
എന്നാല്‍, അര്‍ജുന്‍ സിംഗിന്റെ ട്വീറ്റില്‍ യാതൊരു വസ്തുതയുമില്ലെന്ന് മുര്‍ശിദാബാദ് പോലീസ് ട്വിറ്ററിലൂടെ അറിയിച്ചു. ക്ഷേത്രക്കമ്മിറ്റി സെക്രട്ടറി സുഖ്‌ദേവ് ബജ്പയിയുടെ കത്തും പോലീസിന്റെ ട്വീറ്റിലുണ്ട്. തിങ്കളാഴ്ച രാത്രിയുണ്ടായ തീപ്പിടിത്തത്തിലാണ് ക്ഷേത്രത്തിലെ വിഗ്രഹത്തിന് കേടുപറ്റിയതെന്ന് ക്ഷേത്രം സെക്രട്ടറിയുടെ കത്തില്‍ പറയുന്നു. പ്രദേശത്ത് ഹിന്ദുക്കളും മുസ്ലിംകളും തമ്മിലുള്ള അടുപ്പവും ബന്ധവും തങ്ങള്‍ക്ക് അറിയാമെന്നും കത്തില്‍ പറയുന്നു.
As stated by mandir committee it was a fire accident. Temple authorities are taking necessary action. Local police and administration coordinating.
Do not share to anyone without verifying personally.
You may contact mandir committee for further details. pic.twitter.com/YTZJFwjWiE— Murshidabad Police (@MurshidabadPol1) September 1, 2020
Latest
ബാഡ്മിന്റണ്‍ താരങ്ങള്‍ക്ക് ആശ്വാസം; മധ്യപ്രദേശിലേക്ക് നാളെ കൊച്ചിയില്‍ നിന്ന് കണക്ഷന്‍ ഫ്‌ളൈറ്റില്‍ യാത്ര തിരിക്കും
മുനമ്പം വിഷയത്തില്‍ വേണ്ടത് പോലെ മിണ്ടിയില്ല; മുസ്‌ലിം ലീഗിനെതിരെ ഉമര്‍ ഫൈസി
വയനാട് ഉരുള്‍പൊട്ടല്‍ ദേശീയ ദുരന്തമായി പ്രഖ്യാപിക്കാനാകില്ലെന്ന നിലപാട് ക്രൂരം, നിന്ദ്യം: കെ സി വേണുഗോപാല്‍ എം പി
ഖലിസ്ഥാന്‍ ഭീകരന്‍ അര്‍ഷ് ദല്ലയുടെ അറസ്റ്റ് സ്ഥിരീകരിച്ച് ഇന്ത്യ; കാനഡയില്‍ നിന്ന് കൈമാറി കിട്ടാന്‍ ശ്രമം ഊര്‍ജിതമാക്കി
വായു മലിനീകരണം വീണ്ടും അപകടകരമായ തോതില്‍; ശക്തമായ നിയന്ത്രണ നടപടികളുമായി ഡല്‍ഹി
ഏഷ്യാ കപ്പ്‌ അണ്ടർ-19 ടീമിലിടം നേടി മലയാളി താരം മുഹമ്മദ് ഇനാൻ
