Ongoing News
യു എ ഇയുടെ സൗഹൃദ സമീപനം ലോക രാജ്യങ്ങള്‍ക്ക് മാതൃക: കാന്തപുരം
ദുബൈ | പ്രവാസികളെ വളരെ സൗഹൃദത്തോടെ സ്വീകരിക്കുകയും അവര്‍ക്ക് ആവശ്യമായ എല്ലാ സഹായങ്ങളും നല്‍കുകയും ചെയ്യുന്ന യു എ ഇയുടെ സൗഹൃദപരവും മാനുഷികതയിലൂന്നിയതുമായ സമീപനം ലോകത്തിന് മാതൃകയാണെന്ന് ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്‌ലിയാര്‍ പറഞ്ഞു. സിറാജ് ദിനപത്രവും ഐ സി.എഫ് യു എ ഇ നാഷണല്‍ കമ്മറ്റിയും ഓണ്‍ലൈനില്‍ സംഘടിപ്പിച്ച യു എ ഇ മുപ്പത്തി ഒമ്പതാം ദേശീയ ദിനാഘോഷ പരിപാടിയില്‍ അധ്യക്ഷ പ്രഭാഷണം നടത്തുകയായിരുന്നു അദ്ദേഹം.
സ്വന്തം രാജ്യത്തെ ജനങ്ങളെ പോലെ തന്നെ കുടിയേറി വന്നവരെയും കാണണമെന്നും അതിഥിയോട് കാണിക്കുന്ന ആദരവ് അവരോടു പുലര്‍ത്തണമെന്നും പഠിപ്പിച്ച മഹാനായ ഭരണാധികാരിയാണ് യു എ ഇ സ്ഥാപകന്‍ ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാൻ എന്നും അദ്ദേഹം കാണിച്ച അതെ സമീപനമാണ് യു എ ഇയുടെ ഓരോ ഭരണാധികാരികളും തുടരുന്നതെന്നും അദ്ദേഹം പറഞ്ഞു. യു എ ഇയുടെ ദേശീയ ദിനാഘോഷം ഇന്ത്യക്കാര്‍ക്ക് വളരെ ആഹ്ളാദം നല്‍കുന്നുവെന്നും യു എ ഇയുടെ സമൃദ്ധിക്ക് വേണ്ടി എല്ലാവരും പ്രാര്‍ഥിക്കണമെന്നും കാന്തപുരം പറഞ്ഞു. ദുബൈ മര്‍കസ് സംഘടിപ്പിച്ച യു എ ഇ ദേശീയ പതാക ഉയര്‍ത്തല്‍ കര്‍മത്തിന് കാന്തപുരം നേതൃത്വം നല്‍കി.
Latest
വയനാട് ദുരന്തം: കേന്ദ്ര അവഗണനക്കെതിരെ ചൊവ്വാഴ്ച ജില്ലയില്‍ യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
വയനാട് കേന്ദ്രസഹായം: കെ വി തോമസ് പാര്‍ട്ടിക്കൊപ്പം തലച്ചോറും മാറിയോയെന്ന് വി മുരളീധരന്‍
