Covid19
മന്‍മോഹന്‍ സിംഗിന്റെ ആരോഗ്യ നില തൃപ്തികരമെന്ന് ആരോഗ്യ മന്ത്രി
ന്യൂഡല്‍ഹി | കൊവിഡ് ബാധിതനായി ആശുപത്രിയില്‍ പ്രവേശിപ്പിച്ച മുന്‍ പ്രധാനമന്ത്രി മന്‍മോഹന്‍ സിംഗിന്റെ ആരോഗ്യ നില തൃപ്തികരമാണെന്ന് കേന്ദ്ര ആരോഗ്യ മന്ത്രി ഡോ.ഹര്‍ഷ വര്‍ധന്‍. എയിംസില്‍ അദ്ദേഹത്തെ ചികിത്സിക്കുന്ന ഡോക്ടര്‍മാരുമായി ചര്‍ച്ച നടത്തിയെന്നും മികച്ച പരിചരണമാണ് നല്‍കുന്നതെന്നും മന്ത്രി ട്വീറ്റ് ചെയ്തു.
അദ്ദേഹത്തെ ഡല്‍ഹി എയിംസിലെ ട്രോമാ സെന്ററിലാണ് ഇന്നലെ വൈകിട്ട് അഞ്ചോടെ പ്രവേശിപ്പിച്ചത്. പനി വന്നതിനെ തുടര്‍ന്നാണ് 88കാരനായ മന്‍മോഹന്‍ സിംഗിനെ കൊവിഡ് പരിശോധനക്ക് വിധേയനാക്കിയത്. നേരത്തേ കൊവിഡ് വാക്‌സിന്റെ രണ്ട് ഡോസുകളും എടുത്തിരുന്നു. കൊവാക്‌സിന്റെ ആദ്യ ഡോസ് മാര്‍ച്ച് നാലിനും രണ്ടാം ഡോസ് ഏപ്രില്‍ മൂന്നിനുമാണ് മന്‍മോഹന്‍ സിംഗിന് നല്‍കിയിരുന്നത്.
മുന്‍കരുതലെന്നോണമാണ് ആശുപത്രിയില്‍ പ്രവേശിപ്പിച്ചതെന്ന് അധികൃതര്‍ പറയുന്നു. വിവരമറിഞ്ഞ് രാഷ്ട്രീയ നേതാക്കളടക്കമുള്ളവര്‍ എത്രയും വേഗം രോഗമുക്തനാകട്ടെയെന്ന ആശംസകളറിയിച്ചു.
Latest
മുഹമ്മദ് ബിന്‍ അബ്ദുല്‍ അസീസ് ബിന്‍ സാലിഹ് ഉക്രൈനിലെ പുതിയ സഊദി സ്ഥാനപതി
മുറിഞ്ഞകല്ലില്‍ അപകടങ്ങള്‍ തുടര്‍ക്കഥയാകുന്നു; ഇന്ന് രണ്ട് സംഭവങ്ങളിലായി എട്ടുപേര്‍ക്ക് പരുക്കേറ്റു
ആരിഫ് മുഹമ്മദ് ഖാന്‍ ബിഹാര്‍ ഗവര്‍ണറാകും; കേരളത്തിന് രാജേന്ദ്ര അര്‍ലേക്കര്‍
മെഗാ മെഡിക്കല്‍ ക്യാമ്പ് സംഘടിപ്പിച്ചു
തുര്‍ക്കിയില്‍ ടൂറിസ്റ്റ് ബസിന് തീപിടിച്ചു; 35 സഊദി വിനോദ സഞ്ചാരികള്‍ അത്ഭുതകരമായി രക്ഷപ്പെട്ടു
നഗരി ഒരുങ്ങി; എസ് വൈ എസ് കേരള യുവജന സമ്മേളനം മറ്റന്നാൾ തൃശൂരിൽ തുടങ്ങും
