56 ഇഞ്ച് എന്നത് താടിയുടെ നീളമായിരിക്കും, അല്ലേ?

വേണ്ട, ഇന്നത്തെ കേരളവും തമിഴ്നാടും തമ്മിലായിരുന്നു ഈ തർക്കമെങ്കിലോ?

മനോരമയുടെ ആറാം പേജിലാണ് വാർത്ത.

ദീർഘകാലമായുള്ള അതിർത്തി തർക്കമാണ്. പാക്-ചൈനീസ് അതിർത്തികളിൽ കണ്ണിലെണ്ണയൊഴിച്ച് കാത്തിരിക്കുന്നു എന്നവകാശപ്പെടുന്ന ഇന്ത്യൻ ഭരണകൂടമാണ്. സംഘപരിവാർ ആരാധകരുടെ ഭാഷയിൽ ലോകാരാദ്ധ്യനായ മോദിയും കരുത്തനായ അമിത് ഷായും ആണ് ഭരണത്തിൽ.

ആർക്കും ഒരു പ്രശ്നവുമില്ല.

മൻമോഹൻ സിംഗായിരുന്നു ഇന്ത്യൻ പ്രധാനമന്ത്രിയെങ്കിൽ എന്ന് ഒന്നാലോചിച്ചു നോക്ക്.

ഇന്നത്തെ കേരളവും തമിഴ്നാടും തമ്മിലായിരുന്നു ഏറ്റുമുട്ടലെങ്കിലോ?

കേന്ദ്രവും അസമും ഭരിക്കുന്നത് ബി ജെ പിയും മിസോറാം ഭരിക്കുന്നത് ബി ജെ പി സഖ്യകക്ഷിയും ആയതു കൊണ്ട് ഒരനക്കവുമില്ല. ദീർഘവീക്ഷണമാണ്, പാകിസ്ഥാനും ചൈനയ്ക്കും ഇപ്പുറത്തേയ്ക്ക് കാഴ്ച പിടിക്കില്ല. തൃണമൂൽ അണികളെ നേരിടുന്ന യുദ്ധമേ എടുക്കൂ.

ഇന്ത്യൻ സംസ്ഥാനങ്ങളുടെ അതിർത്തികൾ തീരുമാനിക്കാൻ കഴിയാത്തവരാണ് രാജ്യാന്തര അതിർത്തികളെക്കുറിച്ച് ഘോരഘോരം പ്രസംഗിക്കുന്നതും അമ്പത്താറ് ഇഞ്ചെന്നു സ്വയം അവകാശപ്പെട്ട് ജനങ്ങളെ രോമാഞ്ചം കൊള്ളിക്കുന്നതും.