First Gear
2023 മേഴ്‌സിഡസ് ബെന്‍സ് ജിഎല്‍സി; ഡെലിവറി നാളെ ആരംഭിക്കും
73.5 ലക്ഷം രൂപ മുതലാണ് ഈ വാഹനത്തിന്റെ വില ആരംഭിക്കുന്നത്.
ന്യൂഡല്‍ഹി| ആഡംബര വാഹന നിര്‍മ്മാതാക്കളായ മേഴ്‌സിഡസ് ബെന്‍സ് ഇന്ത്യന്‍ വിപണിയില്‍ 2023 മേഴ്‌സിഡസ് ബെന്‍സ് ജിഎല്‍സി അവതരിപ്പിച്ചു. കാറിന്റെ ബുക്കിങ്ങും ആരംഭിച്ചിട്ടുണ്ട്. 73.5 ലക്ഷം രൂപ മുതലാണ് ഈ വാഹനത്തിന്റെ വില ആരംഭിക്കുന്നത്.
രണ്ട് വേരിയന്റുകളിലാണ് മേഴ്‌സിഡസ് ബെന്‍സ് ജിഎല്‍സി ലഭ്യമാകുന്നത്. മേഴ്‌സിഡസ് ബെന്‍സ് ജിഎല്‍സി 300 എന്ന വേരിയന്റിനാണ് 73.5 ലക്ഷം രൂപ വില വരുന്നത്. ജിഎല്‍സി 220ഡി എന്ന വേരിയന്റിന് 74.5 ലക്ഷം രൂപയാണ് എക്‌സ് ഷോറൂം വില. ഈ കാറിന്റെ ബുക്കിങ്ങിനായി 1.5 ലക്ഷം രൂപയാണ് നല്‍കേണ്ടത്. നിലവില്‍ വാഹനത്തിന് 1,500 ബുക്കിങ്ങുകള്‍ ലഭിച്ചതായി മേഴ്‌സിഡസ് ബെന്‍സ് അറിയിച്ചു. നാളെ മുതല്‍ വാഹനത്തിന്റെ ഡെലിവറി ആരംഭിക്കും.
2023 മേഴ്‌സിഡസ് ബെന്‍സ് ജിഎല്‍സി 300ല്‍ 2.0 ലിറ്റര്‍, 4 സിലിണ്ടര്‍ പെട്രോള്‍ 300 4മാറ്റിക് എഞ്ചിനാണ്. ഈ എഞ്ചിന്‍ 258 എച്ച്പി പീക്ക് പവറും 400 എന്‍എം ടോര്‍ക്കും ഉത്പാദിപ്പിക്കുന്നു. മൈല്‍ഡ്-ഹൈബ്രിഡ് ഇന്റഗ്രേറ്റഡ് സ്റ്റാര്‍ട്ടര്‍ ജനറേറ്റര്‍ ഈ വാഹനത്തിലുണ്ട്. ഇത് 23 എച്ച്പി പവറും 200 എന്‍എം ടോര്‍ക്കും നല്‍കുന്നു.
2023 മേഴ്‌സിഡസ് ബെന്‍സ് ജിഎല്‍സി 220ഡിയില്‍ 2.0 ലിറ്റര്‍, 4 സിലിണ്ടര്‍ ഡീസല്‍ 4മാറ്റിക് എഞ്ചിനാണുള്ളത്. ഇത് 197 എച്ച്പി പവറും 440 എന്‍എം ടോര്‍ക്കും നല്‍കുന്നു. വാഹനത്തിലെ മൈല്‍ഡ്-ഹൈബ്രിഡ് ഇന്റഗ്രേറ്റഡ് സ്റ്റാര്‍ട്ടര്‍ ജനറേറ്റര്‍ 23 എച്ച്പി പവറും 200 എന്‍എം ടോര്‍ക്കും ഉത്പാദിപ്പിക്കുന്നു. ഇക്കോ, കംഫര്‍ട്ട്, സ്‌പോര്‍ട്ട് എന്നീ ഡ്രൈവ് മോഡുകളില്‍ വാഹനം ലഭ്യമാണ്.
Latest
സംസ്ഥാന സ്‌കൂള്‍ ശാസ്ത്രോത്സവത്തിന് ഇന്ന് ആലപ്പുഴയില്‍ തുടക്കം
മരുന്നുവില ഇരട്ടിയോളം കൂട്ടി കേന്ദ്രം
ആത്മകഥാ വിവാദം: പാര്‍ട്ടി ആവശ്യപ്പെട്ടില്ലെങ്കിലും വിശദീകരണം നല്‍കാന്‍ ഇ പി
ഗസ്സയില്‍ ഇസ്‌റാഈല്‍ നടത്തുന്നത് വംശഹത്യ തന്നെ; ഐക്യരാഷ്ട്ര സമിതിയുടെ റിപോര്‍ട്ട്
വ്യത്യസ്ത പരിപാടികളോടെ ഇശല്‍ ഓണം 17 ന് അബൂദബിയില്‍
ക്രൂരതയരുത്‌; ആന എഴുന്നള്ളത്തിന് കര്‍ശന വ്യവസ്ഥകള്‍ ഏര്‍പ്പെടുത്തി ഹൈക്കോടതി
