ഇന്ത്യയില്‍ പുതിയ 2995 കോവിഡ് 19 കേസുകള്‍ റിപ്പോര്‍ട്ട് ചെയ്തു

ന്യഡല്‍ഹി|കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ പ്രകാരം, കഴിഞ്ഞ 24 മണിക്കൂറിനുള്ളില്‍ രാജ്യത്ത് 2,995 കേസുകള്‍ രജിസ്റ്റര്‍ ചെയ്തിട്ടുണ്ട്. ഇപ്പോള്‍ സജീവമായ കേസുകളുടെ എണ്ണം 16,000-ത്തിലധികമാണ്.
രോഗം ഭേദമായവരുടെ എണ്ണം 44171551 ആയി ഉയര്‍ന്നപ്പോള്‍ കേസിലെ മരണനിരക്ക് 1.19 ശതമാനമായി കുറഞ്ഞു.

രാജ്യത്ത് 3,095 പുതിയ കൊറോണ വൈറസ് കേസുകളുടെ ഒരു ദിവസത്തെ വര്‍ധന രേഖപ്പെടുത്തിയതിന് ശേഷമാണ് ഇത്.രാജ്യത്തുടനീളമുള്ള കേസുകള്‍ അടുത്തിടെ വര്‍ധിച്ചുകൊണ്ടിരിക്കുന്ന സാഹചര്യത്തില്‍, രോഗലക്ഷണങ്ങളുടെ കാര്യത്തില്‍ മാസ്‌ക് ധരിക്കാനും കോവിഡ് പരിശോധന നടത്താനും മെദാന്ത ഹോസ്പിറ്റലിലെ ഇന്‍സ്റ്റിറ്റ്യൂട്ട് ഓഫ് ചെസ്റ്റ് സര്‍ജറി ചെയര്‍മാന്‍ ഡോ. അരവിന്ദ് കുമാര്‍ നിര്‍ദ്ദേശിച്ചു.