ഫാദേഴ്‌സ് എൻഡോവ്‌മെന്റ് ക്യാമ്പയിനിൽ 330 കോടി സമാഹരിച്ചു

ദുബൈ |യു എ ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂം ആരംഭിച്ച ഫാദേഴ്‌സ് എൻഡോവ്‌മെന്റ് ക്യാമ്പയിനിൽ 3.304 ബില്യൺ ദിർഹം സംഭാവന സമാഹരിച്ചു. യു എ ഇയിലെ പിതാക്കന്മാരെ ആദരിക്കുന്നതിനും ആവശ്യമുള്ളവർക്ക് ചികിത്സയും ആരോഗ്യ സംരക്ഷണവും നൽകുന്നതിന് ലക്ഷ്യമിട്ടുള്ള സുസ്ഥിര എൻഡോവ്‌മെന്റ് ഫണ്ട് സൃഷ്ടിക്കുന്നതിനുമാണ് ഈ ഫണ്ട്‌.

പൊതു, സ്വകാര്യ മേഖലകളിൽ നിന്നുള്ള വ്യക്തികൾ, ബിസിനസുകൾ, സംഘടനകൾ എന്നിവയുൾപ്പെടെ 160,560-ലധികം സംഭാവനക്കാരെ ഈ ക്യാമ്പയിനിൽ രേഖപ്പെടുത്തിയിട്ടുണ്ട്.
ദരിദ്രർക്കും നിർണായക മേഖലയിലെ ദുർബല ജനവിഭാഗങ്ങളെ ജീവിത നിലവാരം, സ്ഥിരത, അവരുടെ സമൂഹങ്ങളുടെ വികസനത്തിന് സംഭാവന നൽകാനുള്ള കഴിവ് പിന്തുണയ്ക്കുന്നതാണ് ക്യാമ്പയിനെന്ന് കാബിനറ്റ് കാര്യ മന്ത്രിയും മുഹമ്മദ് ബിൻ റാശിദ് അൽ മക്തൂം ഗ്ലോബൽ ഇനിഷ്യേറ്റീവ്‌സിന്റെ (എം ബി ആർ ജി ഐ) സെക്രട്ടറി ജനറലുമായ മുഹമ്മദ് അൽ ഗെർഗാവി പറഞ്ഞു.