'അച്ഛനില്ലാത്ത അമ്മക്ക്'; 'അമ്മ' ഓഫീസിന് മുന്നില്‍ റീത്ത് വെച്ച് പ്രതിഷേധം

കൊച്ചി  | മലയാള സിനിമയിലെ വവിധ താരങ്ങള്‍ക്കെതിരെ ഉയരുന്ന ഗുരുതര ആരോപണങ്ങള്‍ക്ക് പിറകെ താര സംഘടനയായ അമ്മയുടെ ഓഫീസീന് മുന്നില്‍ റീത്ത് വെച്ച് പ്രതിഷേധം.എറണാകുളം ലോ കോളജിലെ ഒരു കൂട്ടം വിദ്യാര്‍ഥികളാണ് താര സംഘടനയായ അമ്മയുടെ ഓഫീസിന് മുന്നില്‍ റീത്ത് വെച്ച് പ്രതിഷേധിച്ചത്. ഹെല്‍മറ്റ് ധരിച്ച് ബൈക്കിലെത്തിയ വിദ്യാര്‍ത്ഥികളാണ് റീത്ത് വെച്ച് പ്രതിഷേധിച്ചത്.

‘അച്ഛനില്ലാത്ത അമ്മയ്ക്ക്’ എന്നാണ് റീത്തില്‍ എഴുതിയിരിക്കുന്നത്. ഹേമ കമ്മറ്റി റിപ്പോര്‍ട്ടിന് പിറകെ ഉയര്‍ന്ന ആരോപണങ്ങളാല്‍ അമ്മയുടെ ഓഫീസിന് തീ കത്തുമ്പോള്‍ പുറത്തേക്ക് ഇറങ്ങിയോടുന്ന അംഗങ്ങളുടെ കാര്‍ട്ടൂണും റീത്തിനൊപ്പം വെച്ചിട്ടുണ്ട്.

ആരോപണങ്ങള്‍ ഉയര്‍ന്നതിന് പിന്നാലെ കഴിഞ്ഞ നാലു ദിവസമായി അമ്മയുടെ ഓഫീസ് അടഞ്ഞുകിടക്കുകയായിരുന്നു. ഇതിനിടെയാണ് വിദ്യാര്‍ത്ഥികള്‍ പ്രതിഷേധിച്ചത്.