Kerala
'നയിക്കാന് നിങ്ങളില്ലെങ്കില് ഞങ്ങളുമില്ല'; കോഴിക്കോട് കെ മുരളീധരനെ പിന്തുണച്ച് ഫ്ളക്സ് ബോര്ഡുകളുയര്ന്നു
അന്ന് വടകരയില്... പിന്നെ നേമത്ത്... ഇന്ന് തൃശൂരില്... അങ്ങ് പോരാട്ടത്തിനിറങ്ങിയത് ഈ പ്രസ്ഥാനത്തിന്റേയും പ്രവര്ത്തകരുടേയും അഭിമാനം സംരക്ഷിക്കാനാണ്
കോഴിക്കോട് | തൃശൂരിലെ തോല്വിക്ക് പിന്നാലെ ഇടഞ്ഞ് നില്ക്കുന്ന കെ മുരളീധരന് പിന്തുണ അറിയിച്ച് കോഴിക്കോട് നഗരത്തില് ഫ്ളക്സ് ബോര്ഡുകള് ഉയര്ന്നു. നയിക്കാന് നായകന് വരട്ടെ എന്ന തലക്കെട്ടോടെയാണ് ബോര്ഡ്. നയിക്കാന് നിങ്ങളില്ലെങ്കില് ഞങ്ങളുമില്ലെന്നും ഫ്ളക്സില് പറയുന്നു. കോണ്ഗ്രസ് പ്രവര്ത്തകരുടെ പേരിലാണ് നഗരത്തില് വണ്ടിപ്പേട്ടയിലടക്കം ഫ്ളക്സ സ്ഥാപിച്ചിട്ടുള്ളത്.
അന്ന് വടകരയില്… പിന്നെ നേമത്ത്… ഇന്ന് തൃശൂരില്… അങ്ങ് പോരാട്ടത്തിനിറങ്ങിയത് ഈ പ്രസ്ഥാനത്തിന്റേയും പ്രവര്ത്തകരുടേയും അഭിമാനം സംരക്ഷിക്കാനാണ്. മതേതരത്വത്തിനായി അചഞ്ചലമായി നിലകൊണ്ടതിന്റെ പേരിലാണ് ഇന്ന് നിങ്ങള് പോരാട്ടഭൂമിയില് വെട്ടേറ്റു വീണത്. നയിക്കാന് നിങ്ങളില്ലെങ്കില് ഞങ്ങളുമില്ല. ഒരിക്കല് കൂടി പറയുന്നു പ്രിയപ്പെട്ട കെഎം നിങ്ങള് മതേതര കേരളത്തിന്റെ ഹൃദയമാണ്-ബോര്ഡില് പറയുന്നു.
തൃശൂരിലെ തോല്വിക്ക് പിന്നാലെ പൊതു പ്രവര്ത്തനവും സജീവ രാഷ്ട്രീയവും നിര്ത്തുകയാണെന്ന് കെ മുരളീധരന് പ്രഖ്യാപിച്ചിരുന്നു. എന്നാല് ഒരു കാരണവശാലും കോണ്ഗ്രസ് വിടില്ലെന്നും, തദ്ദേശ തെരഞ്ഞെടുപ്പ് സമയത്ത് കോണ്ഗ്രസിന് വേണ്ടി പ്രചാരണത്തിന് ഉണ്ടാകുമെന്നും മുരളീധരന് വ്യക്തമാക്കിയിരുന്നു. മുരളീധരനെ അനുനയിപ്പിക്കാനുള്ള ശ്രമത്തിലാണ് കോണ്ഗ്രസ് നേതൃത്വം. തൃശൂരില് തന്നെ ബലിയാടാക്കിയെന്നാണ കെ മുരളീധരന്റെ കുറ്റപ്പെടുത്തല്