Kerala
40 ഗ്രാം ഹാഷിഷ് ഓയില്‍ പിടികൂടി; ഒരാള്‍ കസ്റ്റഡിയില്‍
കോയിപ്രം പുല്ലാട് കുറുങ്ങഴ കാഞ്ഞിരപ്പാറ വട്ടമല പുത്തന്‍ വീട്ടില്‍ സന്തോഷ് (43) ആണ് കസ്റ്റഡിയിലായത്.
പത്തനംതിട്ട | 40 ഗ്രാം ഹാഷിഷ് ഓയിലുമായി ഒരാളെ പോലീസ് കസ്റ്റഡിയിലെടുത്തു. കോയിപ്രം പുല്ലാട് കുറുങ്ങഴ കാഞ്ഞിരപ്പാറ വട്ടമല പുത്തന്‍ വീട്ടില്‍ സന്തോഷ് (43) ആണ് കസ്റ്റഡിയിലായത്. ഇയാളില്‍ നിന്നും 18 ചെറിയ ബോട്ടിലുകളിലായി നിറച്ചിരുന്ന 40 ഗ്രാം ഹാഷിഷ് ഓയില്‍ പിടിച്ചെടുത്തു. ജില്ലാ പോലീസ് മേധാവി സ്വപ്നില്‍ മധുകര്‍ മഹാജന് ലഭിച്ച രഹസ്യ വിവരത്തെ തുടര്‍ന്നാണ് നടപടി.
ഡാന്‍സാഫ് സംഘവും കോയിപ്രം പോലീസ് ഇന്‍സ്‌പെക്ടര്‍ സജീഷ് കുമാറിന്റെ നേതൃത്വത്തിലുള്ള പോലീസ് ഉദ്യോഗസ്ഥരും ചേര്‍ന്നാണ് പ്രതിയെ കോയിപ്രം മുട്ടുമണ്ണില്‍ നിന്നും ഇന്ന് വൈകീട്ട് കസ്റ്റഡിയിലെടുത്തത്. മുമ്പ് കഞ്ചാവും മറ്റുമായി പിടിയിലായ പ്രതികളില്‍ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് ഇയാളെ കുടുക്കിയത്.
കോയിപ്രം എസ് ഐമാരായ അനൂപ്, ഷൈജു, ഡാന്‍സാഫ് സംഘത്തിലെ എസ് ഐ. അജി സാമൂവല്‍, എ എസ് ഐമാരായ അജികുമാര്‍, മുജീബ്, സി പി ഒമാരായ ശ്രീരാജ്, മിഥുന്‍, ബിനു, സുജിത്, അഖില്‍ എന്നിവരടങ്ങിയ സംഘമാണ് അന്വേഷണത്തിന് നേതൃത്വം നല്‍കിയത്.
Latest
ഹോസ്റ്റല്‍ കെട്ടിടത്തില്‍ നിന്ന് വീണ നഴ്‌സിംഗ് വിദ്യാര്‍ഥിനി മരിച്ചു
മദ്യപിച്ചെത്തിയ ആള്‍ അയല്‍ക്കാരനെ വെട്ടിക്കൊന്നു
ഇന്ത്യ-സൗത്ത് ആഫ്രിക്ക ടി20; പടുകൂറ്റന്‍ സ്‌കോര്‍ പടുത്തുയര്‍ത്തി സഞ്ജുവും തിലകും
മുനമ്പം വഖ്ഫ് ഭൂമി തന്നെ; നിയമസഭാ രേഖ പുറത്ത്
48 മണിക്കൂറിനിടെ ലബനാനില്‍ ഏഴ് ഇസ്‌റാഈലി സൈനികര്‍ കൊല്ലപ്പെട്ടു
അപകടത്തില്‍ മരിച്ച നടിമാരായ അഞ്ജലി, ജെസി മോഹന്‍ എന്നിവരുടെ മൃതദേഹവുമായി ബന്ധുക്കള്‍ നാട്ടിലേക്ക് തിരിച്ചു
