National
റാലിയില്‍ 500 രൂപ നോട്ടുകള്‍ എറിഞ്ഞു; ഡി.കെ. ശിവകുമാറിനെതിരെ പൊലീസ് കേസ്
തെരഞ്ഞെടുപ്പ് കമ്മീഷന്‍ നല്‍കിയ പരാതിയെ തുടര്‍ന്ന് കേസെടുക്കാന്‍ മാണ്ഡ്യ കോടതി നിര്‍ദേശിക്കുകയായിരുന്നു.
മാണ്ഡ്യ| മാണ്ഡ്യയില്‍ കോണ്‍ഗ്രസിന്റെ പ്രജ ധ്വനി യാത്രക്കിടെ കലാകാരന്മാര്‍ക്ക് 500 രൂപ നോട്ടുകള്‍ എറിഞ്ഞു നല്‍കിയ സംഭവത്തില്‍ കോണ്‍ഗ്രസ് കര്‍ണാടക അധ്യക്ഷന്‍ ഡി.കെ. ശിവകുമാറിനെതിരെ പൊലീസ് കേസ്. തെരഞ്ഞെടുപ്പ് കമ്മീഷന്‍ നല്‍കിയ പരാതിയെ തുടര്‍ന്ന് കേസെടുക്കാന്‍ മാണ്ഡ്യ കോടതി നിര്‍ദേശിക്കുകയായിരുന്നു.
മാര്‍ച്ച് 28ന് കോണ്‍ഗ്രസ് പ്രജ ധ്വനി യാത്രയിലാണ് കേസിനാസ്പദമായ സംഭവം. റാലിയില്‍ കലാപ്രകടനം കാഴ്ചവെച്ച കലാകാരന്മാര്‍ക്ക് നേരെ ശിവകുമാര്‍ 500 രൂപ നോട്ടുകള്‍ എറിയുകയായിരുന്നു. പ്രാദേശിക കോടതിയുടെ നിര്‍ദേശപ്രകാരം മാണ്ഡ്യ റൂറല്‍ പൊലീസാണ് കേസെടുത്തത്.
കൂടി നിന്ന ആളുകള്‍ക്കിടയില്‍ ചിലര്‍ ദൈവവിഗ്രഹങ്ങള്‍ തലയില്‍ ചുമന്നു നില്‍ക്കുന്നുണ്ടായിരുന്നുവെന്നും വിഗ്രഹങ്ങളിലേക്കാണ് താന്‍ നോട്ടുകളെറിഞ്ഞതെന്നുമായിരുന്നു ശിവകുമാറിന്റെ വിശദീകരണം.
Latest
പുഷ്പ 2 ഷോയ്ക്കിടെ യുവതി മരിച്ച സംഭവം; അല്ലു അർജുനെ ഇന്ന് ചോദ്യം ചെയ്യും
ദുബൈ; ഏറ്റവും സ്വാധീനമുള്ള നേതാക്കളിൽ ശൈഖ് മുഹമ്മദ്
എന് സി സി ക്യാമ്പിലെ ഭക്ഷ്യവിഷബാധ: പോലീസ് അന്വേഷണം തുടങ്ങി
പുതുവത്സരാഘോഷത്തിന് ഒരുങ്ങി ദുബൈ
മുജാഹിദുകള്ക്കിടയില് വീണ്ടും ജിന്ന് വിവാദം; സ്വന്തം ഗ്രൂപ്പിനെ തള്ളി ഹുസൈന് മടവൂര്
ഹജ്ജ് കമ്മിറ്റി മുഖേന പോകുന്നവര് മറ്റ് സാങ്കേതിക ക്ലാസ്സുകളില് പങ്കെടുക്കേണ്ടതില്ല
