Kerala
അല്‍ഷിമേഴ്സ് രോഗബാധിതനായ 59കാരനെ ക്രൂരമായി മര്‍ദിച്ചു; ഹോം നഴ്‌സിനെതിരെ പരാതി
ബി എസ് എഫ് മുന്‍ ഉദ്യോഗസ്ഥന്‍ തട്ട സ്വദേശി വി ശശിധരന്‍ പിള്ളയ്ക്കാണ് മര്‍ദനമേറ്റത്. ഹോം നഴ്സ് വിഷ്ണുവിനെതിരെ ബന്ധുക്കള്‍ കൊടുമണ്‍ പോലീസില്‍ പരാതി നല്‍കി.
അടൂര്‍ | അല്‍ഷിമേഴ്സ് രോഗബാധിതനായ 59കാരനെ, വീട്ടില്‍ പരിചരിച്ചു വന്ന ഹോം നഴ്സ് ക്രൂരമായി മര്‍ദിച്ചു. ബി എസ് എഫ് മുന്‍ ഉദ്യോഗസ്ഥന്‍ തട്ട സ്വദേശി വി ശശിധരന്‍ പിള്ളയ്ക്കാണ് മര്‍ദനമേറ്റത്. അദ്ദേഹത്തെ പരുമലയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഹോം നഴ്സ് വിഷ്ണുവിനെതിരെ ബന്ധുക്കള്‍ കൊടുമണ്‍ പോലീസില്‍ പരാതി നല്‍കി. തറയില്‍ വീണ് പരുക്കേറ്റു എന്നാണ് ഹോം നഴ്സ് അറിയിച്ചത്. ഇതില്‍ സംശയം തോന്നിയ ബന്ധുക്കള്‍ സി സി ടി വി ദൃശ്യം പരിശോധിച്ചപ്പോഴാണ് ശശിധരന്‍ പിള്ളയെ നഗ്നനാക്കി തറയിലൂടെ വലിച്ചിഴയ്ക്കുന്നത് കണ്ടത്.
അഞ്ച് വര്‍ഷത്തോളമായി അല്‍ഷിമേഴ്സ് രോഗത്തിന് ചികിത്സയില്‍ കഴിയുന്ന ശശിധരന്‍ പിള്ളയെ പുതുതായി എത്തിയ ഹോം നഴ്സ് ക്രൂരമായി മര്‍ദിച്ച ശേഷം തറയിലൂടെ വലിച്ചിഴക്കുകയായിരുന്നു. അടൂരിലുള്ള ഏജന്‍സി വഴിയാണ് ഇയാള്‍ രോഗീപരിചരണത്തിന് എത്തിയത്. ശശിധരന്‍ പിള്ളയുടെ ബന്ധുക്കള്‍ പാറശാലയിലാണ് താമസിക്കുന്നത്.
Latest
ആദ്യ വാര്‍ഷിക ജനറല്‍ മീറ്റിങ്ങില്‍ നിക്ഷേപകര്‍ക്കായി വമ്പന്‍ പ്രഖ്യാപനവുമായി ലുലു റീട്ടെയ്ല്‍ ; 85 ശതമാനം ലാഭവിഹിതം നിക്ഷേപകര്‍ക്ക്
അറിവാര്‍ജിത സമൂഹമാവുക; ഹൈ ബ്രൈറ്റ് ഫ്യൂചര്‍ സമ്മിറ്റിന് സമാപനം
താമസിക്കുന്ന കെട്ടിടത്തില്‍ നിന്ന് വീണ് അബൂദബിയില്‍ മലയാളി വിദ്യാര്‍ഥി മരിച്ചു
ടാന്‍സ്ജെന്റര്‍ യുവതിയുടെ സ്‌കൂട്ടര്‍ തട്ടിയെടുത്ത നാലുപേര്‍ പിടിയില്‍
ഞാവല്‍പ്പഴം വില്ലനായി; റോഡില്‍ തെന്നിവീണ് നിരവധി ബൈക്ക് യാത്രികര്‍ക്ക് പരിക്ക്
ആദരിക്കല്‍ പരിപാടിയിലേക്ക് ക്ഷണിക്കാത്തത് വീഴ്ച; കാനത്തിന്റെ കുടുംബത്തോട് ക്ഷമ ചോദിച്ച് സി പി ഐ
