Kerala
പാലക്കാട്ട് കോണ്‍ഗ്രസിലേക്ക് കൂടുമാറി 75 സി പി എം പ്രവർത്തകർ
തേന്‍കുറിശ്ശി പഞ്ചായത്തില്‍ നിന്നാണ് കൂട്ട കൂടുമാറ്റം
പാലക്കാട് | സി പി എമ്മില്‍ നിന്ന് വീണ്ടും പ്രവര്‍ത്തകര്‍ കോണ്‍ഗ്രസിലേക്ക്. നിയമസഭാ ഉപതിരഞ്ഞെടുപ്പിലെ തോല്‍വിക്ക് പിന്നാലെ പാലക്കാട്ട് നിന്ന് കൂട്ടത്തോടെയാണ് പ്രവര്‍ത്തകര്‍ പാര്‍ട്ടി വിട്ടത്. തേന്‍കുറിശ്ശി പഞ്ചായത്തില്‍ 75 പേര്‍ സി പി എം വിട്ട് കോണ്‍ഗ്രസ്സില്‍ ചേര്‍ന്നു.
മുന്‍ ലോക്കല്‍ കമ്മിറ്റി സെക്രട്ടറിയും മൂന്ന് ബ്രാഞ്ച് സെക്രട്ടറിമാരും ഒരു ഡി വൈ എഫ് ഐ യൂനിറ്റ് സെക്രട്ടറിയും അടക്കമുള്ളവരാണ് പാര്‍ട്ടി വിട്ടത്. ഡി സി സി സംഘടിപ്പിച്ച ചടങ്ങില്‍ പാര്‍ട്ടി വിട്ടവര്‍ കോണ്‍ഗ്രസില്‍ അംഗത്വമെടുത്തു. പാലക്കാട് എം എല്‍ എ രാഹുല്‍ മാങ്കൂട്ടത്തില്‍ മുഖ്യപ്രഭാഷണം നടത്തി. ബി ജെ പി വിട്ട് കോണ്‍ഗ്രസില്‍ ചേര്‍ന്ന സന്ദീപ് വാര്യര്‍ മുഖ്യാതിഥിയായി.
സി പി എം മുന്‍ ലോക്കല്‍ കമ്മിറ്റി സെക്രട്ടറിയും ഏരിയാ കമ്മിറ്റി അംഗവുമായ എം വിജയന്‍, ബ്രാഞ്ച് സെക്രട്ടറിമാരായ സുരേന്ദ്രന്‍, സതീഷ് കുമാര്‍, രാധാകൃഷ്ണന്‍, ഡി വൈ എഫ് ഐ യൂനിറ്റ് സെക്രട്ടറി രാഹുല്‍ എന്നിവരാണ് സി പി എം വിട്ടവരില്‍ പ്രമുഖര്‍.
Latest
തിരുവനന്തപുരത്ത് സ്കൂളില് വിദ്യാര്ഥിനിക്ക് പാമ്പ് കടിയേറ്റു
മുംബൈയില് 15 കോടിയുടെ ഹൈബ്രിഡ് കഞ്ചാവ് പിടികൂടി
വീഡിയോ കാളിലൂടെ പോലീസിന്റെ പേരില് തട്ടിപ്പ്; 37.61 ലക്ഷം തട്ടിയ കേസില് യുവാക്കള് അറസ്റ്റില്
തോക്കുനിര്മാണ സാമഗ്രികളുമായി ഒരാള് അറസ്റ്റില്
ശബരിമല തീര്ഥാടകര് സഞ്ചരിച്ച കാര് മറിഞ്ഞ് അപകടം; ഒരാള് മരിച്ചു
രാജ്യാന്തര ചലച്ചിത്ര മേളക്ക് തിരശ്ശീല; സുവർണ്ണ ചകോരം ബ്രസിലീയൻ ചിത്രം ‘മാലു’വിന്
