കോട്ടയത്ത് ഫ്‌ളാറ്റില്‍ നിന്നും വീണ് 15കാരി മരിച്ചു

കോട്ടയം | കോട്ടയത്ത് ഫ്‌ളാറ്റിന് മുകളില്‍ നിന്ന് വീണ് 15 കാരി പെണ്‍കുട്ടി മരിച്ചു. കഞ്ഞിക്കുഴിയിലെ ഫ്‌ളാറ്റിലെ പതിമൂന്നാം നിലയില്‍ നിന്ന് വീണ റിയാ മാത്യു ആണ് മരിച്ചത്. ആത്മഹത്യയെന്നാണ് പോലീസിന്റെ പ്രാഥമിക നിഗമനം. ഇന്നലെ രാത്രി പത്തേകാലോടെ ആണ് സംഭവം.

കളത്തിപ്പടി പള്ളിക്കൂടം സ്‌കൂളിലെ പത്താം ക്ലാസ് വിദ്യാര്‍ഥിനിയാണ് മരിച്ച റിയ. മൃതദേഹത്തിന്റെ പോസ്റ്റുമോര്‍ട്ടം പരിശോധന ഇന്ന് നടക്കും. റിയ വീണ് സമയത്ത് സുരക്ഷാ ജീവനക്കാര്‍ ഇക്കാര്യം അറിഞ്ഞില്ല. വൈകിയാണ് റിയ താഴെ വീണ് കിടക്കുന്നത് ഇവര്‍ കണ്ടത്. മകളെ തിരഞ്ഞ് വീട്ടുകാര്‍ പുറത്തെത്തിയപ്പോഴാണ് വീണ് മരിച്ച കാര്യം പുറത്തറിഞ്ഞത്