National
തിരക്കേറിയ റോഡില്‍ വാഹനങ്ങള്‍ക്ക് തടസം സൃഷ്ടിച്ച് റീല്‍ ചിത്രീകരിച്ച 26കാരന്‍ പിടിയില്‍
വിപിനെതിരെ മോട്ടോര്‍ വാഹന നിയമത്തിലെയും ഐപിസിയിലെയും വിവിധ വകുപ്പുകള്‍ പ്രകാരം കേസെടുത്തു.
ഡല്‍ഹി | തിരക്കേറിയ റോഡില്‍ വാഹനങ്ങള്‍ക്ക് തടസം സൃഷ്ടിച്ച് ഇന്‍സ്റ്റഗ്രാം റീല്‍ ചിത്രീകരിച്ച 26കാരന്‍ അറസ്റ്റില്‍.ഡല്‍ഹി സ്വദേശി വിപിന്‍കുമാറാണ് പോലീസിന്റെ പിടിയിലായത്. തലസ്ഥാന നഗരത്തിലെ തിരക്കേറിയ ജിടി കര്‍ണാല്‍ റോഡിലാണ് യുവാവ് റീല്‍ ചിത്രീകരിച്ചത്.
നടുറോഡില്‍ നിര്‍ത്തിയിട്ടിരിക്കുന്ന ബൈക്ക്. അതിന് സമീപത്ത് വച്ച കസേരയില്‍ വിപിന്‍ വന്ന് ഇരിക്കുന്നതാണ് റീല്‍. സംഭവത്തെ തുടര്‍ന്ന് വിപിനെതിരെ മോട്ടോര്‍ വാഹന നിയമത്തിലെയും ഐപിസിയിലെയും വിവിധ വകുപ്പുകള്‍ പ്രകാരം കേസെടുത്തു.
കഴിഞ്ഞ ദിവസം ചിത്രീകരിച്ച വീഡിയോ സാമൂഹികമാധ്യമമായ ഇന്‍സ്റ്റഗ്രാമില്‍ വൈറല്‍ ആയതോടെയാണ് വിപിനെ പോലീസ് പിടികൂടുന്നത്. യുവാവിന്റെ ബൈക്കും മൊബൈല്‍ഫോണും ഡല്‍ഹി പോലീസ് പിടിച്ചെടുത്തു.
വിപിന്റെ ഇന്‍സ്റ്റാഗ്രാം അക്കൗണ്ട് ഡിലീറ്റ് ചെയ്യാനുള്ള നടപടികള്‍ പുരോഗമിക്കുകയാണെന്ന് പോലീസ് ഉദ്യോഗസ്ഥര്‍ അറിയിച്ചു.
Latest
പത്മ പുരസ്‌കാരം: പരിശോധനാ സമിതി രൂപവത്കരിക്കാന്‍ മന്ത്രിസഭാ തീരുമാനം
സ്വകാര്യ ഗ്രൂപ്പുകളുടെ ഹജ്ജ് യാത്രാ അനിശ്ചിതത്വം; ഇടപെടല്‍ തേടി പ്രധാനമന്ത്രിക്ക് കത്തയച്ച് ഗ്രാന്‍ഡ് മുഫ്തി
ഔറംഗസീബിന്റെ ഖബര്‍ പൊളിക്കാനുള്ള സംഘ്പരിവാര്‍ ശ്രമത്തിനെതിരെ ഐക്യരാഷ്ട്ര സഭക്ക് കത്ത്
ശബരിമല തീര്‍ഥാടകര്‍ സഞ്ചരിച്ച ബസ് മറിഞ്ഞു; ഒരാള്‍ മരിച്ചു
വഖ്ഫ് ഭേദഗതി നിയമത്തിനെതിരെ സുപ്രീം കോടതിയില്‍ വാദം തുടരുന്നു
മാസപ്പടി കേസ്; എസ്എഫ്ഐഒ റിപ്പോര്‍ട്ടിൽ രണ്ട് മാസത്തേക്ക് തുടര്‍ നടപടി പാടില്ലെന്ന് ഹൈക്കോടതി ഉത്തരവ്
