Kerala
ബന്ധുവിനെ ബലാല്‍സംഗം ചെയ്ത് ഒളിവില്‍ പോയ 28 കാരന്‍ പിടിയില്‍
ഹോസ്റ്റല്‍ നോക്കുന്നതിനു സഹായം തേടിയാണു ബന്ധുവിനെ ഇയാള്‍ കൂടെ കൂട്ടിയത്
കൊച്ചി | ബന്ധുവായ യുവതിയെ ബലാല്‍സംഗം ചെയ്ത ശേഷം ഒളിവില്‍ പോയ പ്രതി പിടിയില്‍. കുഴുപ്പള്ളി മുനമ്പം അയ്യാര്‍ വളവ് സ്വദേശി ജാനേന്ദാണ് പിടിയിലായത്.
കഴിഞ്ഞ വര്‍ഷം മെയ് മാസമാണ് കേസിനാസ്പദമായ സംഭവം നടന്നത്. 28 കാരനായ പ്രതിയെ ഒളി സങ്കേതത്തില്‍ നിന്നു കണ്ടെത്തിയാണ് പൊലീസ് അറസ്റ്റ് ചെയ്തത്.
കൊച്ചിയില്‍ ഒരു ഹോസ്റ്റല്‍ നോക്കുന്നതിനു സഹായം തേടിയാണു ബന്ധുവിനെ ഇയാള്‍ കൂടെ കൂട്ടിയത്. തുടര്‍ന്ന് എറണാകുളം ഇടപ്പള്ളിയില്‍ എത്തിച്ച് ബലാത്സംഗം ചെയ്യുകയായിരുന്നു. ഹോസ്റ്റല്‍ നോക്കി മടങ്ങുംവഴി അത്യാവശ്യമായി സുഹൃത്തിനെ കാണാനുണ്ടെന്ന് തെറ്റിദ്ധരിപ്പിച്ച് ഇയാള്‍ യുവതിയെ ഇടപ്പള്ളിയിലുള്ള ഒരു വീട്ടിലെത്തിക്കുകയും ഇവിടെ വച്ച് പീഡിപ്പിക്കുകയുമായിരുന്നു.
പെണ്‍കുട്ടി വീട്ടുകാരോട് നടന്ന സംഭവങ്ങള്‍ വിവരിച്ചശേഷം വീട്ടുകാരാണ് പൊലീസില്‍ പരാതി നല്‍കിയത്. പോലീസ് കേസെടുത്ത് അന്വേഷണം ആരംഭിച്ചപ്പോഴേക്കും ജാനേന്ദ് ഒളിവില്‍ പോകുകയായിരുന്നു. ഇയാള്‍ക്കായി പോലീസ് ലുക്ക് ഔട്ട് നോട്ടീസ് പുറത്തിറക്കിയിരുന്നു.
Latest
ഇന്നലെ 'ഫലസ്തീൻ ബാഗ്'; ഇന്ന് 'ബംഗ്ലാദേശ് ബാഗ്'; മർദിതർക്ക് ഐക്യദാർഢ്യം തുടർന്ന് പ്രിയങ്ക
ഭിന്നശേഷിക്കാരനായ വിദ്യാര്‍ഥിയെ ആക്രമിച്ച സംഭവം: യൂണിവേഴ്സിറ്റി കോളജ് എസ്എഫ്ഐ യൂണിറ്റ് പിരിച്ചുവിട്ടു.
അന്ധകാരനഴി കടൽത്തീരത്ത് രണ്ട് മൃതദേഹങ്ങള്‍ കണ്ടെത്തി
കേരള സര്‍വകലാശാലയില്‍ ഗവര്‍ണര്‍ക്കെതിരെ എസ്എഫ്ഐ പ്രതിഷേധം; സംഘര്‍ഷം
ബഹ്‌റൈനിലേക്ക് പോയ എയർ ഇന്ത്യ എക്സ്പ്രസ് വിമാനത്തിന് നെടുമ്പാശ്ശേരിയിൽ എമർജൻസി ലാന്‍ഡിങ്
ഒരു രാജ്യം ഒരു തിരഞ്ഞെടുപ്പ് ബില്ല് പാര്‍ലമെന്റില്‍ അവതരിപ്പിച്ചു; ഭരണഘടന വിരുദ്ധമെന്ന് പ്രതിപക്ഷം
