താനൂരിൽ 29കാരന്‍ ട്രെയിൻ തട്ടി മരിച്ചു

മലപ്പുറം| സംസ്ഥാനത്ത് വീണ്ടും ട്രെയിന്‍ തട്ടി മരണം. മലപ്പുറം താനൂര്‍ മുക്കോലയിലാണ് 29കാരന്‍ ട്രെയിന്‍തട്ടി മരിച്ചത്.

താനൂര്‍ പരിയാപുരം സ്വദേശി ഷിജില്‍ ആണ് മരിച്ചത്. കോഴിക്കോട് നിന്നും പുറപ്പെട്ട ജനശതാബ്ദി എക്‌സ്പ്രസ് ട്രെയിനാണ് യുവാവിനെ തട്ടിയത്. ഇന്ന് ഉച്ചയോടെയാണ് അപകടമുണ്ടായത്.

അപകടം സംഭവിച്ചത് എങ്ങനെയെന്നത് സംബന്ധിച്ച് വ്യക്തത ലഭിച്ചിട്ടില്ലെന്നും അന്വേഷിക്കുകയാണെന്നും പോലീസ് അറിയിച്ചു.

നേരത്തെ പാലക്കാട് ഷൊര്‍ണൂരില്‍ ട്രെയിന്‍ തട്ടി നാല് ശുചീകരണ തൊഴിലാളികൾ മരിച്ചിരുന്നു.ട്രാക്കിലെ മാലിന്യം നീക്കുന്നതിനിടെയായിരുന്നു അപകടം.