തേനീച്ചക്കൂട് പരുന്ത് തലയിലേക്ക് തള്ളിയിട്ടു; കൂട്ടയാക്രമണത്തിൽ തൊഴിലാളിക്ക് ദാരുണാന്ത്യം

മാനന്തവാടി | കാട്ടിക്കുളത്ത് തേനീച്ചകളുടെ കൂട്ടത്തോടെയുള്ള കുത്തേറ്റ് തൊഴിലാളിക്ക് ദാരുണാന്ത്യം. ആലത്തൂർ എസ്റ്റേറ്റിലെ തൊഴിലാളി മണ്ണുണ്ടി ഉന്നതിയിലെ വെള്ളു (63) ആണ് മരിച്ചത്.

ഇന്ന് രാവിലെ 11.30ഓടെയാണ് സംഭവം. മരത്തിന് മുകളിൽ ഉണ്ടായിരുന്ന തേനീച്ചക്കൂട്  പരുന്ത് ആക്രമിച്ച് തള്ളിയിടുകയായിരുന്നു.  കൂട് ജോലിക്കിടെ വെള്ളുവിന്‍റെ തലയിലേക്ക് വീണതോടെ തേനീച്ചകൾ കൂട്ടമായി കുത്തി.

ഉടൻ തന്നെ മാനന്തവാടി മെഡിക്കൽ കൊളജിൽ എത്തിച്ചെങ്കിലും ജീവൻ രക്ഷിക്കാനായില്ല. നിലവിൽ വെള്ളുവിന്റെ മൃതദേഹം മാനന്തവാടി മെഡിക്കൽ കൊജിൽ സൂക്ഷിച്ചിരിക്കുകയാണ്.