നിലമ്പൂരില്‍ ബൈക്ക് യാത്രികന് സൂര്യാഘാതമേറ്റു

മലപ്പുറം | നിലമ്പൂരില്‍ ബൈക്ക് യാത്രികന് സൂര്യാഘാതമേറ്റു. നിലമ്പൂര്‍ മയ്യന്താനി പുതിയപറമ്പില്‍ സുരേഷിനാണ് സൂര്യാഘാതമേറ്റത്. മമ്പാട് നിന്ന് നിലമ്പൂരിലേക്കുള്ള യാത്രക്കിടെയാണ് കൈകളിലും വയറിലുമായി സുരേഷിന് പൊള്ളലേറ്റത്. പൊള്ളലേറ്റ ഭാഗങ്ങളില്‍ കുമിളകളും പൊങ്ങിയിട്ടുണ്ട്.

വീട്ടിലെത്തിയപ്പോള്‍ കൈകളില്‍ പൊള്ളലേറ്റത് പോലെ തോന്നി. തുടര്‍ന്ന് തണുത്ത വെള്ളത്തില്‍ കൈ കഴുകിയപ്പോള്‍ നീറ്റല്‍ അനുഭവപ്പെട്ടെന്നുമാണ് സുരേഷ് വ്യക്തമാക്കുന്നത്.

കൈകളിലും വയറിലും പൊള്ളലേറ്റ ഭാഗത്ത് കുമിളകള്‍ പൊങ്ങിയതോടെ സുരേഷ് ആശുപത്രിയില്‍ ചികിത്സതേടുകയായിരുന്നു.