Kerala
വ്യാജരേഖയുണ്ടാക്കി പണാപഹരണം നടത്തിയ കേസ്; മുന്‍ പഞ്ചായത്ത് സെക്രട്ടറിക്ക് 12 വര്‍ഷം കഠിന തടവും പിഴയും
ഗ്രാമ പഞ്ചായത്ത് സെക്രട്ടറിയായിരുന്ന ബാലകൃഷ്ണ വാര്യര്‍, വ്യാജ രേഖകളുണ്ടാക്കി കാണക്കാരി സര്‍വ്വീസ് കോ-ഓപ്പറേറ്റീവ് ബേങ്കില്‍ സമര്‍പ്പിച്ച് ആകെ 1,20,958 രൂപ സ്വന്തം പേരില്‍ മാറിയെടുത്തു എന്നതായിരുന്നു കോട്ടയം വിജിലന്‍സ് യൂണിറ്റ് രജിസ്റ്റര്‍ ചെയ്ത കേസ്
കോട്ടയം \ വ്യാജ രേഖയുണ്ടാക്കി പണാപഹരണം നടത്തിയതിന് മുന്‍ ഗ്രാമപഞ്ചായത്ത് സെക്രട്ടറിയെ 12 വര്‍ഷം കഠിന തടവിന് ശിക്ഷിച്ചു. കോട്ടയം ജില്ലയിലെ കാണക്കാരി മുന്‍ ഗ്രാമ പഞ്ചായത്ത് സെക്രട്ടറിയായ ബാലകൃഷ്ണ വാര്യരെയാണ് രണ്ട് കേസ്സുകളിലായി ആകെ 12 വര്‍ഷം കഠിന തടവിനും 1,30,000 രൂപ പിഴ ഒടുക്കുന്നതിനും കോട്ടയം വിജിലന്‍സ് കോടതി ശിക്ഷിച്ചത്. 2005 ആഗസ്റ്റ് മുതല്‍ 2006 സെപ്തംബര്‍ വരെയുള്ള രണ്ട് സാമ്പത്തിക വര്‍ഷങ്ങളില്‍ കാണക്കാരി ഗ്രാമ പഞ്ചായത്ത് സെക്രട്ടറിയായിരുന്ന ബാലകൃഷ്ണ വാര്യര്‍, വ്യാജ രേഖകളുണ്ടാക്കി കാണക്കാരി സര്‍വ്വീസ് കോ-ഓപ്പറേറ്റീവ് ബേങ്കില്‍ സമര്‍പ്പിച്ച് ആകെ 1,20,958 രൂപ സ്വന്തം പേരില്‍ മാറിയെടുത്തു എന്നതായിരുന്നു കോട്ടയം വിജിലന്‍സ് യൂണിറ്റ് രജിസ്റ്റര്‍ ചെയ്ത കേസ്
ശിക്ഷ ഒന്നിച്ച് അനുഭവിച്ചാല്‍ മതിയെന്നും വിധിന്യായത്തില്‍ പറയുന്നു. കോട്ടയം വിജിലന്‍സ് മുന്‍ ഡി വൈ എസ് പി ക്രൃഷ്ണ കുമാര്‍ പി രജിസ്റ്റര്‍ ചെയ്ത് മുന്‍ ഇന്‍സ്പെക്ടറായിരുന്ന പയസ് ജോര്‍ജ്ജ് അന്വേഷണം നടത്തി കൃഷ്ണ കുമാര്‍ പി തന്നെ കുറ്റപത്രം സമര്‍പ്പിച്ച കേസ്സുകളിലാണ് പ്രതിയായ ബാലകൃഷ്ണ വാര്യര്‍ കുറ്റക്കാരനാണെന്ന് കോടതി കണ്ടെത്തിയത്. പ്രോസിക്യൂഷനുവേണ്ടി വിജിലന്‍സ് പബ്ലിക് പ്രോസിക്യൂട്ടര്‍ ശ്രീകാന്ത് കെ കെ ഹാജരായി.
Latest
കണ്ണൂരില് ഓടിക്കൊണ്ടിരുന്ന കാറിന് തീപ്പിടിച്ചു
കോഴിക്കോട് മിനി പിക്കപ്പ് ലോറി മറിഞ്ഞ് ഒരു മരണം
കഞ്ചാവ് കടത്ത് കേസ്; യുവതിക്ക് കഠിനതടവും പിഴയും
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്
നൂറുല് ഉലമ; വാക്കും വരയും പടവാളാക്കിയ പണ്ഡിതന് :എന് അലി അബ്ദുല്ല
നഴ്സിങ് വിദ്യാര്ഥിനിയുടെ മരണം; സഹപാഠികളെ കസ്റ്റഡിയില് കിട്ടാന് പോലീസ് കോടതിയില് അപേക്ഷ നല്കി
