National
വിദ്യാര്‍ത്ഥിയെ തല്ലാന്‍ സഹപാഠിയോട് ആവശ്യപ്പെട്ടു; യുപിയില്‍ അധ്യാപിക അറസ്റ്റില്‍
സ്‌കൂള്‍ അധികൃതര്‍ അധ്യാപികയെ സസ്‌പെന്‍ഡ് ചെയ്തു.
മുസാഫര്‍ നഗര്‍| മുസ്ലീം വിദ്യാര്‍ത്ഥിയോട് ഹിന്ദു സഹപാഠിയെ തല്ലാന്‍ ആവശ്യപ്പെട്ട സ്‌കൂള്‍ അധ്യാപിക അറസ്റ്റില്‍. ഉത്തര്‍പ്രദേശിലെ മുസാഫര്‍നഗറിലെ സ്‌കൂളിലാണ് സംഭവം. അധ്യാപികയെ സ്‌കൂള്‍ അധികൃതര്‍ സസ്‌പെന്‍ഡ് ചെയ്യുകയും ചെയ്തു. സെപ്തംബര്‍ 26 നാണ് സംഭവമുണ്ടായത്. അഞ്ചാം ക്ലാസ് വിദ്യാര്‍ത്ഥികളോട് സജിഷ്ട എന്ന അധ്യാപിക ചോദ്യങ്ങള്‍ ചോദിക്കുന്നതിനിടെയാണ് സംഭവം. ഉത്തർപ്രദേശിലെ മുസാഫർ നഗറിൽ മുസ്ലിം വിദ്യാർഥിയെ അധ്യാപിക ഹിന്ദു വിദ്യാർഥികളെ കൊണ്ട് അടുപ്പിച്ച മറ്റൊരു സംഭവത്തിൽ പോലീസ് നേരത്തെ കേസെടുത്തിരുന്നു.
അധ്യാപികയുടെ ചോദ്യത്തിന് കുട്ടിക്ക് ഉത്തരം നല്‍കാന്‍ കഴിയാതെ വന്നപ്പോള്‍, മുസ്ലീം വിദ്യാര്‍ത്ഥിയോട് കുട്ടിയെ തല്ലാന്‍ ആവശ്യപ്പെടുകയായിരുന്നു. ഇതില്‍ മനംനൊന്ത വിദ്യാര്‍ത്ഥി വിഷാദരോഗത്തിന്റെ ലക്ഷണങ്ങള്‍ കാണിക്കുകയും വീട്ടില്‍ ഒതുങ്ങി കഴിയുകയും ചെയ്തതോടെയാണ് സംഭവം പുറത്തറിയുന്നത്.
കുട്ടിയുടെ പെരുമാറ്റത്തില്‍ അസ്വഭാവികത തോന്നിയ പിതാവ് കാര്യങ്ങള്‍ ചോദിച്ചറിയുകയായിരുന്നു. തുടര്‍ന്നാണ് കുട്ടി തനിക്ക് നേരിട്ട ദുരനുഭവം വെളിപ്പെടുത്തിയത്. ഇതിന് പിന്നാലെ സെപ്തംബര്‍ 27 ന് അധ്യാപികയ്ക്കെതിരെ കേസ് രജിസ്റ്റര്‍ ചെയ്തു. അന്വേഷണത്തെത്തുടര്‍ന്ന്, സെപ്തംബര്‍ 28 ന് പോലീസ് അധ്യാപികയെ അറസ്റ്റ് ചെയ്യുകയും സ്‌കൂള്‍ അധികൃതര്‍ അവരെ ജോലിയില്‍ നിന്ന് സസ്‌പെന്‍ഡ് ചെയ്യുകയും ചെയ്തു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
