മതിലകത്ത് മീന്‍ പിടിക്കാന്‍ വച്ച വലകെട്ടിയ കൂട്ടില്‍ കുടുങ്ങിയ മലമ്പാമ്പിനെ രക്ഷിച്ചു

തൃശൂര്‍|മതിലകം കൂളിമുട്ടത്ത് മീന്‍ പിടിക്കാന്‍ വച്ച വലകെട്ടിയ കൂട്ടില്‍ കുടുങ്ങിയ മലമ്പാമ്പിനെ രക്ഷിച്ചു. മതിലകം ഗ്രാമ പഞ്ചായത്തംഗം വി എസ് രവീന്ദ്രന്റെ പറമ്പില്‍ നിന്നാണ് മലമ്പാമ്പിനെ പിടികൂടിയത്. പത്തടിയോളം നീളമുള്ള മലമ്പാമ്പിനെ വന്യജീവി സംരക്ഷകനായ കൂളിമുട്ടം സ്വദേശി അന്‍സാരിയാണ് രക്ഷപ്പെടുത്തിയത്. പാമ്പിനെ ഫോറസ്റ്റ് അധികൃതര്‍ക്ക് കൈമാറും.

എറണാകുളത്ത് ഫുട്‌ബോള്‍ ഗ്രൗണ്ടിലെ വലയില്‍ കുടുങ്ങിയ മലമ്പാമ്പിനെയും രക്ഷപ്പെടുത്തി. ആലുവ കമ്പനിപ്പടിയിലെ മുതിരപ്പാടം ഫുട്‌ബോള്‍ ഗ്രൗണ്ടിലെ വലയിലാണ് പാമ്പ് കുടുങ്ങിയിരുന്നത്. വനം വകുപ്പ് ഉദ്യോഗസ്ഥര്‍ സ്ഥലത്തെത്തി പാമ്പ് പിടുത്തക്കാരന്റെ സഹായത്തോടെയാണ് മലമ്പാമ്പിനെ രക്ഷിച്ചത്.