മദ്യപിച്ചെത്തിയ ആള്‍ അയല്‍ക്കാരനെ വെട്ടിക്കൊന്നു

തിരുവനന്തപുരം | മദ്യപിച്ചെത്തിയ ആള്‍ അയല്‍വാസിയെ വെട്ടിക്കൊന്നു. തിരുവനന്തപുരം കാരേറ്റ് പേടികുളം ഇലങ്കത്തറ സ്വദേശി ബാബുരാജ് (64) ആണ് കൊല്ലപ്പെട്ടത്.

അയല്‍വാസി സുനില്‍കുമാര്‍ ആണ് കൊലപാതകം നടത്തിയത്. മദ്യപിച്ചു വന്ന സുനില്‍കുമാര്‍ വീട്ടുമുറ്റത്ത് നിന്ന ബാബുരാജിനെ വെട്ടുകയായിരുന്നു. വൈകീട്ട് ഏഴോടെയാണ് സംഭവം. തുടര്‍ന്ന് പരിക്കേറ്റ ബാബുരാജിനെ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ഒമ്പതോടെ മരിച്ചു. സുനില്‍കുമാറിനെ കിളിമാനൂര്‍ പോലീസ് കസ്റ്റഡിയിലെടുത്തു.