മലയാളി യുവാവിനെ പോളണ്ടിൽ മരിച്ച നിലയിൽ കണ്ടെത്തി

വാഴ്സോ | മലയാളി യുവാവിനെ പോളണ്ടിൽ മരിച്ച നിലയിൽ കണ്ടെത്തി. പോളണ്ടിലെ ഐഎൻജി ബാങ്കിൽ ജീവനക്കാരനായ പാലക്കാട് പുതുശ്ശേരി സ്വദേശി ഇബ്രാഹിം ഷരീഫ് ആണ് മരിച്ചത്. കൊലപാതകമാണെന്നാണ് സംശയം.

ഇബ്രാഹിം താമസിച്ചിരുന്ന ഫ്ലാറ്റിന്റെ ഉടമയെ പൊലീസ് കസ്റ്റഡിയിൽ എടുത്തിട്ടുണ്ട്. ഇബ്രാഹിമിനെ ജനുവരി 24 ​മുതൽ ഫോണിൽ കിട്ടിയിരുന്നില്ല. തുടർന്ന് കുടുംബം എംബസിയുമായി ബന്ധപ്പെട്ടു. എംബസി അധികൃതർ നടത്തിയ അന്വേഷണത്തിലാണ് മരിച്ചതായി കണ്ടെത്തിയത്.

10 മാസം മുമ്പാണ് ഇബ്രാഹിം ഷെരീഫ് ജോലിക്കായി വിദേശത്തേക്ക് പോയത്.