മയക്കുമരുന്നു കേസില്‍ കസ്റ്റഡിയില്‍ എടുത്തയാള്‍ ലോക്കപ്പില്‍ മരിച്ച നിലയില്‍

പാലക്കാട് | മയക്കുമരുന്നു കേസില്‍ എക്‌സൈസ് സംഘം വീട്ടില്‍ നിന്നു കസ്റ്റഡിയില്‍ എടുത്ത ഗൃഹനാഥന്‍ ലോക്കപ്പില്‍ തൂങ്ങിമരിച്ച നിലയില്‍.

ഇടുക്കി സ്വദേശി ഷോജോ ജോണിനെ ആണ് എക്‌സൈസ് ഓഫീസിനുള്ളിലെ ലോക്കപ്പില്‍ തൂങ്ങിമരിച്ച നിലയില്‍ കണ്ടത്. രണ്ട് കിലോ ഹാഷിഷ് ഓയില്‍ കടത്തിയ കേസില്‍ കഴിഞ്ഞ ദിവസമാണ് ഷോജോ ജോണിനെ എക്‌സൈസ് പിടികൂടിയത്.

മൃതദേഹം പാലക്കാട് ജില്ലാ ആശുപത്രി മോര്‍ച്ചറിയിലേക്ക് മാറ്റും. സംഭവത്തില്‍ ദുരൂഹതയുണ്ടോ എന്ന് പരിശോധന നടക്കുന്നുണ്ട്. ഇന്നലെ വൈകീട്ടാണ് ഷോജോയെ വീട്ടില്‍ നിന്ന് എക്‌സൈസ് കസ്റ്റഡിയില്‍ എടുത്തത്. രാവിലെ ഏഴു മണിയോടെയാണ് പ്രതിയെ ലോക്കപ്പിനുള്ളില്‍ തൂങ്ങി മരിച്ച നിലയില്‍ കണ്ടത്.