കാണാതായ വയോധികയെ വാടകവീട്ടിലെ കിണറ്റില്‍ മരിച്ച നിലയില്‍ കണ്ടെത്തി

തിരുവനന്തപുരം| മലയിന്‍കീഴില്‍ കാണാതായ വയോധികയെ വാടക വീട്ടിലെ കിണറ്റില്‍ മരിച്ച നിലയില്‍ കണ്ടെത്തി. ചിറ്റിയൂര്‍ക്കോട് മേപ്പൂക്കട പിള്ളവിളാകത്ത് തോമസിന്റെ ഭാര്യ ശാന്തയാണ് മരിച്ചത്.

ബുധനാഴ്ച രാവിലെ മുതല്‍ ശാന്തയെ കാണാനില്ലെന്ന് ബന്ധുക്കള്‍ മലയിന്‍കീഴ് പോലീസില്‍ പരാതി നല്‍കിയിരുന്നു. തുടര്‍ന്ന് പോലീസ് നടത്തിയ അന്വേഷണത്തിലാണ് കിണറ്റില്‍ മൃതദേഹം കണ്ടെത്തിയത്. സഹോദരി വസന്തകുമാരിയോടൊപ്പമാണ് ശാന്ത താമസിച്ചിരുന്നത്.

(ശ്രദ്ധിക്കുക, ആത്മഹത്യ ഒന്നിനും പരിഹാരമല്ല, മാനസികാരോഗ്യവിദഗ്ധരുടെ സഹായം തേടാം. Helpline 1056. 0471 – 2552056)