സൗരയുഥത്തില്‍ നിന്ന് വേര്‍പെട്ട ഗ്രഹഭാഗം ഭൂമിയിലേക്ക് കുതിക്കുന്നു; നാസ ജാഗ്രതയില്‍

വാഷിംഗ്ടൺ | സൗരയുഥത്തില്‍ നിന്ന് വേര്‍പെട്ട ഒരു ഗ്രഹഭാഗം ഭൂമിയിലേക്ക് കുതിക്കുന്നതിനാൽ നാസ മുന്നറിയിപ്പ് നൽകി. 2024 PQ5 എന്നു പേരിട്ട ഇതിന് 140 അടി വലിപ്പമുണ്ടെന്ന് കണക്കാക്കുന്നു. ഭൂമിയുടെ ഭ്രമണപഥത്തിൽ നിന്ന് അധികം ദൂരത്തിലല്ലാത്ത 2024 PQ5 ന്‍റെ സഞ്ചാരവേഗം‌ മണിക്കൂറിൽ 28,128 മൈലാണെന്ന് കണ്ടെത്തിയിട്ടുണ്ട്. അപകടസാധ്യതയില്ലെന്ന് ഉറപ്പാക്കാനാണുള്ള പ്രവര്‍ത്തനത്തിലാണ് ബഹിരാകാശ ഏജൻസി. അതിനായി ഈ ഛിന്നഗ്രഹത്തിന്‍റെ സഞ്ചാരപഥങ്ങളും പ്രവർത്തനങ്ങളും സൂക്ഷ്മമായി നിരീക്ഷിക്കുകയാണ് നാസ.

ഓഗസ്റ്റ് 20 നാണ് ഇത് ഭൂമിയോട് ഏറ്റവും അടുത്തായി പറന്നതെന്ന് നാഷണൽ എയറോനോട്ടിക്സ് ആൻഡ് സ്പേസ് അഡ്മിനിസ്ട്രേഷൻ (നാസ) കണ്ടെത്തി. 3.2 ദശലക്ഷം മൈൽ ദൂരമാണ് ഇത് ഭൂമിക്കരികിലൂടെ കടന്നുപോവുകയെന്നും‌ നേരത്തേ കണക്കാക്കിയിരുന്നു. ഭൂമിയും ഛിന്നഗ്രഹവും തമ്മിലുള്ള ദൂരം വളരെ കൂടുതലാണെന്ന് തോന്നുമെങ്കിലും ഭ്രമണപഥത്തിൻ്റെ പശ്ചാത്തലത്തിൽ ഇത് താരതമ്യേന അടുത്തതായി കണക്കാക്കപ്പെടുന്നു. അതിനാൽ നാസ അതിനെ സൂക്ഷ്മമായി നിരീക്ഷിക്കും. ഇത്തരം സന്ദർഭങ്ങളിൽ നാസ മറ്റു ബഹിരാകാശ ഏജൻസികളുമായി സഹകരിച്ചാണ് പ്രവർത്തിക്കുന്നത്.

സമാന്തരമായി കടന്നുപോകുന്ന ഗ്രഹങ്ങളുടെ ഛിന്നഭാഗങ്ങള്‍ പോലുള്ള വസ്തുക്കളിൽ ഭൂരിഭാഗവും ഭൂമിക്ക് ഒരു ഭീഷണിയല്ലെങ്കിലും, സ്വന്തം ഗ്രഹത്തിന്‍റെ 7.5 ദശലക്ഷം കിലോമീറ്ററിനുള്ളിൽ വരുന്നവയും 460 അടി (140 മീറ്റർ) യിൽ കൂടുതൽ വലിപ്പമുള്ളവയുമായ വസ്തുക്കളെല്ലാം‌ സൂക്ഷ്മപരിശോധനയ്ക്ക് വിധേയമാക്കാറുണ്ട്. നാസയിലെ സെൻ്റർ ഫോർ നിയർ-എർത്ത് ഒബ്ജക്റ്റ് സ്റ്റഡീസ് (സിഎൻഇഒഎസ്) ഇത്തരം ഛിന്നഗ്രഹങ്ങളെ നിരീക്ഷിക്കുന്നതിനും‌ അവയുടെ സഞ്ചാരപഥങ്ങള്‍ ട്രാക്കുചെയ്യുന്നതിനും അവ ഉയർത്തിയേക്കാവുന്ന ഭീഷണികൾ വിലയിരുത്തുന്നതിനുമുള്ള സംവിധാനമാണ്. സാധ്യമായ ബഹിരാകാശ അപകടങ്ങളെ നേരിടാൻ അതിന് വൈദഗ്ധ്യവും സന്നദ്ധതയുമുണ്ട്.

2024 PQ5 കടന്നുപോകുന്നത് നമ്മുടെ സൗരയൂഥത്തിലൂടെയായതിനാല്‍ ഇതിന്‍റെ നിരീക്ഷണവും പഠനങ്ങളും പ്രധാനമാണ്. അതിനാല്‍തന്നെ, ലോകമെമ്പാടുമുള്ള മുൻനിര ബഹിരാകാശ ഏജൻസികൾ ഇത്തരം‌ ആയിരക്കണക്കിന് അന്യഗ്രഹ ഭാഗങ്ങളെ നിരീക്ഷിക്കാൻ അത്യാധുനിക ടെലിസ്കോപ്പുകളും ട്രാക്കിംഗ് സംവിധാനങ്ങളും ഉപയോഗിക്കുന്നുണ്ട്. ഇത്തരം ഭീഷണികൾ മുൻകൂട്ടി കണ്ടുപിടിച്ച് കഴിയുമെന്ന് സാധ്യമായ പരിഹാരങ്ങള്‍ ഉറപ്പാക്കുകയാണ് ലക്ഷ്യം.