പ്ലസ് ടു വിദ്യാര്‍ഥിനി വയോധികയെ തലക്കടിച്ചു വീഴ്ത്തി; സ്വര്‍ണാഭരണങ്ങള്‍ കവര്‍ന്നു

കൊച്ചി | എറണാകുളത്തെ മൂവാറ്റുപുഴയില്‍ പ്ലസ് ടു വിദ്യാര്‍ഥിനി വയോധികയെ ആക്രമിച്ച് സ്വര്‍ണാഭരണങ്ങള്‍ കവര്‍ന്നു. പേഴയ്ക്കാപ്പിള്ളി സ്വദേശി ജലജയെ തലയ്ക്ക് അടിച്ചു വീഴ്ത്തിയ ശേഷമായിരുന്നു കവര്‍ച്ച.

കൃത്യത്തിനു ശേഷം രക്ഷപ്പെട്ട വിദ്യാര്‍ഥിനിയെ പോലീസ് പിന്നീട് കസ്റ്റഡിയിലെടുത്തു. തലയ്ക്ക് ഗുരുതരമായ പരുക്കേറ്റ ജലജയെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

സ്വര്‍ണമാലയും കമ്മലുമാണ് കവര്‍ന്നത്. സ്മാര്‍ട്ട് ഫോണ്‍ വാങ്ങാനായിരുന്നു കവര്‍ച്ചയെന്ന് വിദ്യാര്‍ഥിനി പോലീസിനോട് പറഞ്ഞു.