Kerala
സ്വകാര്യചിന്തകളില്‍ പോലും കടന്നു വരാന്‍ പാടില്ലാത്ത പ്രയോഗം; ഹരിഹരനെതിരെ ഷാഫി പറമ്പില്‍
ആരെയും ആക്ഷേപിക്കാന്‍ വേണ്ടി സംഘടിപ്പിച്ച പരിപാടിയല്ല വടകരയിലേത്. ഹരിഹരന്റെ വാക്ക് ദൗര്‍ഭാഗ്യകരമായി പോയി.
കോഴിക്കോട് | കെ കെ ശൈലജ എംഎല്‍എക്കെതിരായ ആര്‍എംപി കേന്ദ്രകമ്മിറ്റി അംഗം കെ എസ് ഹരിഹരന്റെ സ്ത്രീവിരുദ്ധ പരാമര്‍ശത്തെ തള്ളി ഷാഫി പറമ്പില്‍.കെ എസ് ഹരിഹരന്‍ അനുചിതമായ പ്രയോഗമാണ് നടത്തിയതെന്ന് വടകരയിലെ യുഡിഎഫ് സ്ഥാനാര്‍ഥിയായ ഷാഫി പറമ്പില്‍ പറഞ്ഞു.
പൊതുഇടത്തിലോ സ്വകാര്യസംഭാഷണത്തിലോ പോലും ഉപയോഗിക്കാന്‍ പറ്റാത്ത വാക്കുകളും ഉണ്ടാവാന്‍ പാടില്ലാത്ത ചിന്തകളുമാണ് പ്രസംഗത്തില്‍ കടന്നുകൂടിയത്. തെറ്റായതും ഒരിക്കലും ഉണ്ടാകാന്‍ പാടില്ലാത്തതും ആവര്‍ത്തിക്കാന്‍ പാടില്ലാത്തതുമായ പ്രയോഗമാണിതെന്നും ഷാഫി പറമ്പില്‍ പറഞ്ഞു.
ആരെയും ആക്ഷേപിക്കാന്‍ വേണ്ടി സംഘടിപ്പിച്ച പരിപാടിയല്ല വടകരയിലേത്. ഹരിഹരന്റെ വാക്ക് ദൗര്‍ഭാഗ്യകരമായി പോയെന്നും ഷാഫി പറഞ്ഞു.
പരിപാടി കഴിഞ്ഞയുടനെ വിയോജിപ്പ് അറിയിച്ച് താനും പ്രതിപക്ഷ നേതാവും ആര്‍ എം പി നേതാക്കളെ കണ്ടിരുന്നു. സ്വാഗതാര്‍ഹമായ സമീപനമാണ് അവര്‍ സ്വീകരിച്ചത്. ഖേദം പ്രകടിപ്പിക്കുകയും പരാമര്‍ശം തള്ളുകയും ചെയ്ത ആര്‍എംപി നിലപാട് സ്വാഗതാര്‍ഹമാണെന്നും ഷാഫി പറമ്പില്‍ കൂട്ടിച്ചേര്‍ത്തു.
Latest
വോട്ടെണ്ണല് രാവിലെ എട്ടുമുതല്; ബത്തേരി സ്ട്രോങ്ങ് റൂം തുറന്നു
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
