Kerala
കൂടല്‍മാണിക്യം ക്ഷേത്രത്തില്‍ ജാതി വിവേചനത്തിനിരയായ കഴകക്കാരന്‍ രാജിവെച്ചു
വിവാദങ്ങള്‍ക്ക് പിറകെ അവധിയില്‍ പോയിരുന്ന ബാലു ഇന്നലെ കൂടല്‍മാണിക്യം ക്ഷേത്രത്തിലെ ദേവസ്വം ഓഫീസിലെത്തി അഡ്മിനിസ്‌ട്രേറ്റര്‍ക്ക് രാജി കത്ത് കൈമാറുകയായിരുന്നു
തൃശൂര്‍ |ഇരിങ്ങാലക്കുട കൂടല്‍മാണിക്യം ക്ഷേത്രത്തില്‍ ജാതി വിവേചനത്തിനിരയായ കഴകക്കാരന്‍ ആര്യനാട് സ്വദേശി ബിഎ ബാലു ജോലി രാജിവെച്ചു. വിവാദങ്ങള്‍ക്ക് പിറകെ അവധിയില്‍ പോയിരുന്ന ബാലു ഇന്നലെ കൂടല്‍മാണിക്യം ക്ഷേത്രത്തിലെ ദേവസ്വം ഓഫീസിലെത്തി അഡ്മിനിസ്‌ട്രേറ്റര്‍ക്ക് രാജി കത്ത് കൈമാറുകയായിരുന്നു. ഇന്ന് ജോലിയില്‍ തിരികെ പ്രവേശിക്കേണ്ടതായിരുന്നു.
ദേവസ്വം റിക്രൂട്ട്‌മെന്റ് ബോര്‍ഡ് നിയമനത്തില്‍ ഫെബ്രുവരി 24നാണ് ബാലു കഴകക്കാരനായി ഇരിങ്ങാലക്കുടയിലെത്തിയത്. കഴകം ജോലിയില്‍ പ്രവേശിച്ച ബാലുവിനെ തന്ത്രിമാരുടെ എതിര്‍പ്പിനെ തുടര്‍ന്ന് ഓഫീസ് ജോലിയിലേക്ക് മാറ്റിയിരുന്നു. അതിനുശേഷം ബാലു അവധിയിലായിരുന്നു. വ്യക്തിപരമായ കാരണങ്ങളാലാണ് രാജിയെന്ന് മാത്രമാണ് രാജിക്കത്തിലുള്ളത്.ആരോഗ്യപരമായ കാരണത്താലും വ്യക്തിപരമായ കാരണത്താലും രാജി വെയ്ക്കുന്നതായി കാണിച്ച് ബാലു ഇന്നലെ കത്ത് നല്‍കിയെന്ന് ദേവസ്വം ചെയര്‍മാന്‍ അഡ്വ. സികെ ഗോപി പറഞ്ഞു.ഇക്കാര്യം ദേവസ്വം റിക്രൂട്ട്‌മെന്റ് ബോര്‍ഡിനെയും സര്‍ക്കാരിനെയും അറിയിക്കുമെന്നും ദേവസ്വം ചെയര്‍മാന്‍ അറിയിച്ചു.
Latest
കോഴിക്കോട് മെഡിക്കല്‍ കോളജില്‍ മൂന്നര വയസ്സുള്ള പെണ്‍കുഞ്ഞിനെ ഉപേക്ഷിച്ച് മാതാവ് കടന്നുകളഞ്ഞു
ആലപ്പുഴ ഹൈബ്രിഡ് കഞ്ചാവ് വേട്ട; അന്വേഷണം സിനിമ മേഖലയിലേക്കും വ്യാപിപ്പിച്ച് എക്‌സൈസ്
രാജീവ് ചന്ദ്രശേഖര്‍ കളത്തിലിറങ്ങി; ഘടകകക്ഷി, സമുദായ നേതാക്കളുമായി കൂടിക്കാഴ്ച ഇന്ന്
ആശ വര്‍ക്കര്‍മാരുടെ സംഘടനകളുമായി ആരോഗ്യമന്ത്രി ഇന്ന് ചര്‍ച്ച നടത്തും
ട്രംപിന്റെ ഇരുട്ടടി: ഇന്ത്യക്ക് 26 ശതമാനം തീരുവ ചുമത്തി
സഊദിയില്‍ വാഹനാപകടം; രണ്ട് മലയാളി നഴ്‌സുമാരടക്കം അഞ്ചുപേര്‍ മരിച്ചു
