Kerala
കേരളാ ബാങ്കില്‍ ഒരു വിഭാഗം ജീവനക്കാര്‍ പണിമുടക്ക് തുടങ്ങി
കേരളാ ബാങ്ക് എംപ്ലോയീസ് കോണ്‍ഗ്രസിന്റെ നേതൃത്വത്തിലാണ് സമരം.
തിരുവനന്തപുരം | കേരളാ ബാങ്കില്‍ ഒരു വിഭാഗം ജീവനക്കാര്‍ ഇന്ന് മുതല്‍ ശനിയാഴ്ച വരെ സംസ്ഥാന വ്യാപകമായി പണിമുടക്കും. കേരളാ ബാങ്ക് എംപ്ലോയീസ് കോണ്‍ഗ്രസിന്റെ നേതൃത്വത്തിലാണ് സമരം. സംസ്ഥാനത്തെ 823 ശാഖകളിലെയും ഹെഡ് ഓഫീസിലെയും റീജണല്‍ ജില്ലാ ഓഫീസുകളിലെയും ജീവനക്കാര്‍ പണിമുടക്കില്‍ പങ്കെടുക്കുമെന്ന് സംഘടന അറിയിച്ചു.
ജീവനക്കാരുടെ കുടിശ്ശികയായ 39 ശതമാനം ക്ഷാമ ബത്ത അനുവദിക്കുക, കാലാവധി കഴിഞ്ഞ് മൂന്ന് വര്‍ഷമായ ശമ്പള പരിഷ്‌ക്കരണത്തിന് കമ്മിറ്റിയെ നിയമിക്കുക, ബാങ്കിലെ രണ്ടായിരത്തോളം ഒഴിവുകള്‍ പി എസ് സിക്ക് റിപ്പോര്‍ട്ട് ചെയ്യുക, മലപ്പുറം ജില്ലയിലെ ജീവനക്കാരുടെ തടഞ്ഞുവെച്ച പ്രമോഷന്‍ അനുവദിക്കുക തുടങ്ങിയ ആവശ്യങ്ങളില്‍ സര്‍ക്കാരും സഹകരണ മന്ത്രിയും മാനേജ്മെന്റും സ്വീകരിക്കുന്ന നിഷേധാത്മക നിലപാടില്‍ പ്രതിഷേധിച്ചാണ് പണിമുടക്ക്. ആവശ്യങ്ങള്‍ക്ക് പരിഹാരമുണ്ടാകുന്നില്ലെങ്കില്‍ അനിശ്ചിതകാല പണിമുടക്കുമായി മുന്നോട്ടുപോകുമെന്ന് സംഘടന അറിയിച്ചു.
Latest
പ്രിയങ്കാ ഗാന്ധി വയനാട് എം പിയായി സത്യപ്രതിജ്ഞ ചെയ്തു
വിഴിഞ്ഞം തുറമുഖം, കൊച്ചി മെട്രോ എന്നിവയ്ക്കായി കേന്ദ്രം 1,059 കോടി രൂപ അനുവദിച്ചു
പൊതുമാപ്പ് നേടിയവര്‍ എക്സിറ്റ് പെര്‍മിറ്റ് സാധുത കാലയളവ് ഓര്‍ക്കണമെന്ന് ഐ സി പി
വൈദ്യുതി കെണിയില്‍ നിന്ന് ഷോക്കേറ്റ് യുവാവ് മരിച്ചു
ഗ്ലോബല്‍ വിമന്‍സ് ഫോറത്തില്‍ ശൈഖ് മുഹമ്മദ് പങ്കെടുത്തു
ദേശീയദിനം; 4,239 തടവുകാരെ മോചിപ്പിക്കും
