ഓട്ടോയില്‍ സഞ്ചരിക്കവെ ഇലക്ട്രിക് പോസ്റ്റില്‍ തലയിടിച്ച് ഏഴ് വയസുകാരന് ദാരുണാന്ത്യം

തിരുവനന്തപുരം |  ഓട്ടോയില്‍ സഞ്ചരിക്കവെ ഇലക്ട്രിക് പോസ്റ്റില്‍ തല ഇടിച്ച് ഏഴു വയസ്സുകാരന്‍ മരിച്ചു. വെഞ്ഞാറമൂട് വൈഷ്ണവത്തില്‍ ദീപു-ശാന്തി കൃഷ്ണ ദമ്പതികളുടെ മകന്‍ വൈഷ്ണവാണ് മരിച്ചത്.

ഞായറാഴ്ച വൈകുന്നേരം 3 മണിയോടെ വെമ്പായം മൂന്നാനക്കുഴിയില്‍ അമ്മക്കൊപ്പം ഓട്ടോയില്‍ സഞ്ചരിക്കവെയാണ് അപകടമുണ്ടായത്. ഓടിക്കൊണ്ടിരിക്കുന്ന വാഹനത്തില്‍ നിന്നും കുട്ടി തല പുറത്തേക്ക് ഇടുകയും പോസ്റ്റില്‍ ഇടിക്കുകയുമായിരുന്നു. വെഞ്ഞാറമൂട് പോലീസ് അന്വേഷണം ആരംഭിച്ചു.