ബക്കറ്റിലെ വെള്ളത്തില്‍ മൂന്നു വയസ്സുകാരിയെ മരിച്ച നിലയില്‍ കണ്ടെത്തി

കോഴിക്കോട് | മൂന്നു വയസ്സുകാരി ബക്കറ്റിലെ വെള്ളത്തില്‍ വീണ് മരിച്ച നിലയില്‍ കണ്ടെത്തി. പേരാമ്പ്ര മരുതേരിയിലാണ് സംഭവം. മരുതേരി പുന്നച്ചാലിലെ വലിയപറമ്പില്‍ ആല്‍ബിന്‍-ജോബിറ്റ ദമ്പതികളുടെ മകള്‍ അനീറ്റയാണ് മരിച്ചത്.

കുട്ടിയെ ഉറക്കി കിടത്തിയശേഷം അമ്മ അലക്കാന്‍ പോയി. തുടര്‍ന്ന് തിരിച്ചെത്തിയപ്പോഴാണ്‌ ബാത്ത് റൂമിലെ ബക്കറ്റില്‍ കുട്ടിയെ കണ്ടത്.  ഉടന്‍ തന്നെ പേരാമ്പ്ര ഇഎംഎസ് സഹകരണ ആശുപത്രിയില്‍ കുട്ടിയെ എത്തിച്ചെങ്കിലും മരണം സ്ഥിരീകരിക്കുകയായിരുന്നു. അപകടം നടക്കുമ്പോള്‍ ആല്‍ബിന്റെ മാതാപിതാക്കള്‍ തൊട്ടടുത്ത മുറിയിലുണ്ടായിരുന്നെങ്കിലും വിവരം അറിഞ്ഞില്ല. സംഭവത്തെ തുടര്‍ന്ന് പേരാമ്പ്ര പോലീസ് സ്ഥലത്തെത്തിയിട്ടുണ്ട്.