Kerala
കൊച്ചിയില്‍ നടുറോഡില്‍ ബൈക്കുമായി യുവാവിന്റെ അഭ്യാസപ്രകടനം; മോട്ടോര്‍ വാഹനവകുപ്പ് കേസെടുത്തു
സംഭവ ദിവസം വാഹനം ഓടിച്ചിരുന്നത് താനാണെന്ന് കിരണ്‍ ജ്യോതി സമ്മതിച്ചു.
കൊച്ചി|കൊച്ചിയില്‍ നടുറോഡില്‍ ബൈക്കില്‍ അഭ്യാസപ്രകടനം നടത്തിയ യുവാവിന് ഹാജരാകാന്‍ നിര്‍ദേശം നല്‍കി മോട്ടോര്‍ വാഹനവകുപ്പ്. തിരുവനന്തപുരം സ്വദേശി കിരണ്‍ ജ്യോതിയോടാണ് ഹാജരാകാന്‍ ആവശ്യപ്പെട്ടത്. കഴിഞ്ഞ ചൊവ്വാഴ്ച രാത്രി പത്തരയോടെയാണ് ഇടപ്പള്ളി – കളമശേരി റോഡില്‍ സൈലന്‍സര്‍ രൂപമാറ്റം വരുത്തിയ ബൈക്കുമായി യുവാവ് കറങ്ങി നടന്നത്.
അനധികൃതമായി ബൈക്ക് രൂപമാറ്റം വരുത്തുകയും സൈലന്‍സറുകള്‍ മാറ്റി പകരം അമിത ശബ്ദം പുറപ്പെടുവിക്കുന്ന സൈലന്‍സറുകള്‍ ഘടിപ്പിക്കുകയും ചെയ്ത സംഭവത്തില്‍ കിരണ്‍ ജ്യോതിക്കെതിരെ മോട്ടോര്‍ വാഹനവകുപ്പ് കേസ് എടുത്തു.
ബൈക്കിന് പിറകേ പോയ കാര്‍ യാത്രക്കാര്‍ പകര്‍ത്തിയ ദൃശ്യങ്ങള്‍ പുറത്തുവന്നതോടെയാണ് മോട്ടോര്‍ വാഹനവകുപ്പ് എന്‍ഫോഴ്‌സ്മെന്റ് വിഭാഗം വാഹനത്തിന്റെ നമ്പര്‍ കേന്ദ്രീകരിച്ച് അന്വേഷണം നടത്തിയത്. സംഭവ ദിവസം വാഹനം ഓടിച്ചിരുന്നത് താനാണെന്ന് കിരണ്‍ ജ്യോതി സമ്മതിച്ചു. ബൈക്ക് എറണാകുളത്തുള്ള സുഹൃത്തിനെ ഏല്‍പ്പിച്ചിരിക്കുകയാണെന്നും കിരണ്‍ പറഞ്ഞു.
Latest
ക്രിസ്മസ് സമ്മാനമായി പാര്‍സലില്‍ അയച്ചത് മയക്കു മരുന്ന്; പിടിച്ചെടുത്ത് കസ്റ്റംസ്
പനയമ്പാടം സ്ഥിരം അപകട മേഖല; അപകടക്കെണിയൊരുക്കുന്നത് അശാസ്ത്രീയ റോഡ് നിർമാണമെന്ന് നാട്ടുകാർ
ചതുരംഗപ്പലകയിൽ മൂവർണക്കൊടി; ഡി ഗുകേഷ് ലോക ചെസ് ചാമ്പ്യൻ
കല്ലടിക്കോട് പനയമ്പാടത്ത് ഉണ്ടായ അപകടം ദൗര്‍ഭാഗ്യകരം; ഡ്രൈവർ മദ്യപിച്ചോയെന്ന് പരിശോധിക്കും: അടിയന്തര റിപോർട്ട് ആവശ്യപ്പെട്ട് ഗതാഗതമന്ത്രി
മസ്ജിദുകളിലെ സർവേ നിർത്തിവെക്കാൻ സുപ്രീം കോടതി ഉത്തരവ്
പത്തനംതിട്ട ജനറല്‍ ആശുപത്രിയില്‍ കാര്‍ഡിയാക് റീഹാബിലിറ്റേഷന്‍ ക്ലിനിക് പ്രവര്‍ത്തനം ആരംഭിച്ചു: വീണാ ജോര്‍ജ്
