പാറശാലയില്‍ കാര്‍ കുളത്തിലേക്ക് മറിഞ്ഞ് യുവാവ് മരിച്ചു; നാല് പേര്‍ക്ക് പരുക്ക്

തിരുവനന്തപുരം |   നിയന്ത്രണം വിട്ട കാര്‍ കുളത്തിലേക്ക് മറിഞ്ഞുണ്ടായ അപകടത്തില്‍ യുവാവ് മരിച്ചു. അപകടത്തില്‍ മറ്റ് നാലു പേര്‍ക്ക് പരുക്കേറ്റു. തിരുവനന്തപുരം പാറശാലയിലുണ്ടായ സംഭവത്തില്‍ അയിര സ്വദേശി പ്രദീപ് (40) ആണ് മരിച്ചത്.

പ്രദീപിനെ കൂടാതെ അയിര സ്വദേശികളായ സഞ്ജു, സജീവ്,സജു, ചിക്കു എന്നിവരാണ് കാറില്‍ ഉണ്ടായിരുന്നത്. അപകടം നടന്ന ഉടനെ നാട്ടുകാരുടെ നേതൃത്വത്തില്‍ രക്ഷാപ്രവര്‍ത്തനം നടത്തിയെങ്കിലും പ്രദീപിന്റെ ജീവന്‍ രക്ഷിക്കാനായില്ല.

പരുക്കേറ്റ നാലുപേരെ പാറശാലയിലെ ആശുപത്രിയില്‍ പ്രവേശിപ്പിച്ചു. പോസ്റ്റ്‌മോര്‍ട്ടത്തിനുശേഷം പ്രദീപിന്റെ മൃതദേഹം ബന്ധുക്കള്‍ക്ക് വിട്ടു നല്‍കും.