കോതമംഗലത്ത് വാഹനാപകടത്തില്‍ യുവാവ് മരിച്ചു

കോതമംഗലം | കാറും രണ്ട് ഇരുചക്രവാഹനങ്ങളും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. നെല്ലിമറ്റത്താണ് അപകടമുണ്ടായത്. ബൈക്ക് യാത്രികനായ മൂവാറ്റുപുഴ മുളവൂര്‍ വെള്ളത്തിനാനിക്കല്‍ ബേസില്‍ ജോയ് (27) ആണ് മരിച്ചത്. സംഭവത്തില്‍ കുട്ടി ഉള്‍പ്പെടെ മൂന്ന്‌പേര്‍ക്ക് സാരമായി പരിക്കുമുണ്ട്.

കാറില്‍ ഉണ്ടായിരുന്ന കൊച്ചി ചാലിയാട്ട് പേളി പോള്‍ (27), സ്‌കൂട്ടറില്‍ യാത്ര ചെയ്തിരുന്ന പയ്യാലില്‍ കരിയാട്ടുകുടി ഇന്ദു സജി (38), മകന്‍ സിദ്ധാര്‍ത്ഥ് (11) എന്നിവര്‍ക്കാണ് പരിക്കേറ്റത്.

വാഹനങ്ങള്‍ കൂട്ടിയിടിച്ചതിനെ തുടര്‍ന്ന് അപകടത്തില്‍പെട്ട മൂന്നു വാഹനങ്ങളും ദേശീയപാതാ വികസനത്തിനായി താഴ്ത്തിയ കാനയിലേക്ക് മറിയുകയമായിരുന്നു. അപകടത്തില്‍ പരിക്കേറ്റവരെ കോതമംഗലത്തെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.