Obituary
ഓണ്‍ലൈന്‍ ഓഹരി വ്യാപാരം തകർന്ന് കടുത്ത സാമ്പത്തിക ബാധ്യതയിലായ യുവാവ് വീടിനുള്ളില്‍ തൂങ്ങി മരിച്ചു
ഓണ്‍ലൈന്‍ ഷെയര്‍ മാര്‍ക്കറ്റ് ട്രേഡിംഗ് വഴി കോടികളുടെ ബാധ്യത ഇയാൾക്ക് ഉണ്ടായിരുന്നതായി വിവരം
അടൂര്‍ | ഓണ്‍ലൈന്‍ ഓഹരി വ്യാപാരം തകർന്നതിനെ തുടർന്ന് കടുത്ത സാമ്പത്തിക ബാധ്യതയിലായ യുവാവ് വീടിനുള്ളില്‍ തൂങ്ങി മരിച്ചു. ഏഴംകുളം തൊടുവക്കാട് ഈട്ടിവിളയില്‍ ടെസന് തോമസി (32)നെ ആണ് മരിച്ച നിലയിൽ കണ്ടെത്തിയത്. കിടപ്പുമുറിയിലാണ് മൃതദേഹം കണ്ടത്. ടെസന് കോടികളുടെ ബാധ്യത ഉണ്ടായിരുന്നുവെന്നാണ് പറയുന്നത്.
കഴിഞ്ഞ ഡിസംബര്‍ 28നായിരുന്നു ടെസന്റെ വിവാഹം. രണ്ടാഴ്ചയ്ക്ക് ശേഷം ഭാര്യ അവരുടെ വീട്ടിലേക്ക് മടങ്ങിയെന്നും പറയുന്നു. കുടുംബത്തിലും അസ്വാരസ്യങ്ങളുണ്ടായി. വീട്ടുകാര്‍ക്ക് വലിയ ഒരു തുക ബാധ്യത വരുത്തി വച്ചിരുന്നു. ഓണ്‍ലൈനിലും നേരിട്ടും വായ്പയെടുത്തു. നാട്ടില്‍ പലരില്‍ നിന്നും വന്‍ തുക ടെസന് വായ്പയായി വാങ്ങിയിരുന്നുവെന്നും പറയുന്നു.
സാമ്പത്തികമായി വളരെയധികം മെച്ചപ്പെട്ട കുടുംബമായിരുന്നു ടെസന്റേത്. ഓണ്‍ലൈന്‍ ഷെയര്‍ മാര്‍ക്കറ്റ് ട്രേഡിന് ഇറങ്ങിയതോടെ ഇയാള്‍ അതിന് അഡിക്ട് ആവുകയായിരുന്നു. ചെറിയ ചെറിയ ബാധ്യതകള്‍ മറികടക്കാന്‍ കടം വാങ്ങി വലിയ കടക്കെണിയിലകപ്പെടുകയായിരുന്നു. കടബാധ്യതയും വീട്ടിലെയും കുടുംബ ജീവിതത്തിലെയും അസ്വസ്ഥതകളാണ് ജീവനൊടുക്കാന്‍ പ്രേരിപ്പിച്ചതെന്നാണ് സൂചന.
(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ – 1056, 0471- 2552056)
Latest
National
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
National
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
Kerala
ചുവപ്പണിഞ്ഞ് ചേലക്കര;യു ആര്‍ പ്രദീപ് ലീഡ് 8,567
Kerala
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്‍
Kerala
ഹജ്ജ് കമ്മിറ്റി അംഗങ്ങളായി; ചെയര്‍മാന്‍ തിരഞ്ഞെടുപ്പ് ഉടന്‍
Kerala
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
Kerala