രണ്ടുവര്‍ഷം മുമ്പ് കാണാതായ യുവാവിനെ കണ്ടെത്തി

പത്തനംതിട്ട |  ഭാര്യവീട്ടില്‍ നിന്നും പിണങ്ങിയിറങ്ങി പിന്നീട് കാണാതായ യുവാവിനെ തിരുവല്ല പ്രാവിന്‍കൂടുള്ള ഒരു വീട്ടില്‍ നിന്നും കണ്ടെത്തി. കോട്ടയം ഇടക്കുന്നം വേങ്ങത്താനം പറത്തോട് മാമൂട്ടില്‍ സുബീഷ് സുരേന്ദ്രന്‍(29)നെയാണ് ചിറ്റാര്‍ പോലീസ് ഇന്‍സ്‌പെക്ടര്‍ ബി രാജഗോപാലിന്റെ നേതൃത്വത്തില്‍ കണ്ടെത്തിയത്.

2022ലാണ് ഇയാളെ ചിറ്റാറില്‍ നിന്നും കാണാതായത്. പ്രാവിന്‍കൂടുള്ള ഒരു വീട്ടില്‍ ഹോം നഴ്സ് ആയി ജോലി നോക്കിവരികയായിരുന്നു യുവാവ്. മൊബൈല്‍ ഫോണ്‍ ലൊക്കേഷന്‍ മനസ്സിലാക്കി പോലീസ് സംഘം ശനിയാഴ്ച സുബീഷിനെ കണ്ടെത്തുകയും, തുടര്‍ന്ന് കോടതിയില്‍ ഹാജരാക്കുകയുമായിരുന്നു.