വിലങ്ങാട് വാളൂക്ക് പുഴയില്‍ യുവതിയെ ദൂരുഹ സാഹചര്യത്തില്‍ മരിച്ച നിലയില്‍ കണ്ടെത്തി

നാദാപുരം | വിലങ്ങാട് വാളൂക്ക് പുഴയില്‍ യുവതിയെ ദൂരുഹ സാഹചര്യത്തില്‍ മരിച്ച നിലയില്‍ കണ്ടെത്തി. വയനാട് നിരവില്‍പ്പുഴ അരിമല കോളനിയില്‍ സോണിയ ആണ് മരിച്ചത്.വാളൂക്ക് പുഴയിലെ പാറക്കെട്ടിനടിയിലാണ് മൃതദേഹം കണ്ടെത്തിയത്. പ്രദേശത്ത് നിന്നും ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ പരിശോധന നടത്തുകയായിരുന്നു. തുടര്‍ന്നാണ് പരുക്കുപറ്റിയ നിലയില്‍ മൃതദേഹം ശ്രദ്ധയില്‍പ്പെട്ടത്.

പരേതനായ മോഹനാണ് സോണിയയുടെ ഭര്‍ത്താവ്. ഭര്‍ത്താവിന്റെ മരണശേഷം സോണിയ വയനാട്ടിലായിരുന്നു താമസം.സംഭവത്തില്‍ പോലീസ് അന്വേഷണം ആരംഭിച്ചു.