വളാഞ്ചേരിയില്‍ 10 കിലോ കഞ്ചാവുമായി യുവാവ് അറസ്റ്റില്‍

മലപ്പുറം| വളാഞ്ചേരിയില്‍ കഞ്ചാവ് വില്‍പ്പന നടത്തിയ യുവാവിനെ പോലീസ് പിടികൂടി. കരേക്കാട് ചെങ്കുണ്ടന്‍പടി സ്വദേശി അഫ്സലിനെയാണ് അറസറ്റ് ചെയ്തത്. ഇയാളുടെ വീട്ടില്‍ നിന്നു 10 കിലോ കഞ്ചാവ് പിടിച്ചെടുത്തു.

വളാഞ്ചേരി എസ് എച്ച് ഓ ജലീലിന്റെ നേതൃത്വത്തിലാണ് വീട്ടില്‍ റെയ്ഡ് നടത്തിയത്. ഒറീസയില്‍ നിന്നാണ് കഞ്ചാവ് എത്തിച്ചതെന്നും ഇതിന് സഹായിച്ച ഇതര സംസ്ഥാന തൊഴിലാളിയും പോലീസ് നിരീക്ഷണത്തിലാണ്.

കഴിഞ്ഞ ദിവസം പച്ചക്കറി വ്യാപാരത്തിന്റെ മറവില്‍ കഞ്ചാവ് വില്‍പ്പന നടത്തിയ കട നടത്തിപ്പുകാരനെയും തൊഴിലാളിയെയും വളാഞ്ചേരി പോലീസ് പിടികൂടിയിരുന്നു.