കേരളത്തില്‍ ആം ആദ്മി പാര്‍ട്ടി യു ഡി എഫിനെ പിന്തുണക്കും

തിരുവനന്തപുരം | ലോകസഭ തിരഞ്ഞെടുപ്പില്‍ കേരളത്തിലെ ആം ആദ്മി പാര്‍ട്ടി യു ഡി എഫിനെ പിന്തുണക്കുമെന്ന് സംസ്ഥാന പ്രസിഡന്റ് വിനോദ് മാത്യൂ വില്‍സന്‍, ജനറല്‍ സെക്രട്ടറി എ അരുണ്‍ എന്നിവര്‍ അറിയിച്ചു. ഇന്ത്യ മുന്നണിയിലെ ഏറ്റവും വലിയ ഒറ്റക്കക്ഷിയെ പിന്തുണക്കാനാണ് പാര്‍ട്ടി തീരുമാനിച്ചതെന്ന് ഇരുവരും പറഞ്ഞു.

ഇന്ത്യ മുന്നണിയുടെ ഭാഗമായാണ് എഎപി ദേശീയ തലത്തില്‍ ലോക്‌സഭ തിരഞ്ഞെടുപ്പിനെ നേരിടുന്നത്. ഡല്‍ഹി മുഖ്യമന്ത്രിയും എ എ പി ദേശീയ അധ്യക്ഷനുമായ അരവിന്ദ് കെജ് രിവാളിനെ അറസ്റ്റ് ചെയ്തതിനെതിരെ ഇന്ത്യ മുന്നണി യോജിച്ച പ്രക്ഷോപം നടത്തി വരികയാണ്. ഇതിനിടയിലാണ് കേരളത്തില്‍ യു ഡി എഫിനെ പിന്തുണക്കുമെന്ന് ആം ആദ്മി പാര്‍ട്ടി പ്രഖ്യാപിച്ചത്.