International
ട്രംപിനെതിരെ അവതാരകന്റെ വിവാദ പരാമര്‍ശം; നഷ്ടപരിഹാരമായി 127 കോടിയിലധികം രൂപ എ ബി സി ന്യൂസ് നല്‍കും
ട്രംപ് നല്‍കിയ മാനനഷ്ടക്കേസിലാണ് നഷ്ടപരിഹാരം നല്‍കാന്‍ എ ബി സി ന്യൂസ് സമ്മതം അറിയിച്ചത്.
വാഷിങ്ടണ്‍ | നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനെതിരായ വിവാദ പരാമര്‍ശത്തില്‍ നഷ്ടപരിഹാരമായി 15 ദശലക്ഷം ഡോളര്‍ (127 കോടിയിലധികം രൂപ) സമ്മതിച്ച് വാര്‍ത്താ ചാനലായ എ ബി സി ന്യൂസ്. ട്രംപ് നല്‍കിയ മാനനഷ്ടക്കേസിലാണ് നഷ്ടപരിഹാരം നല്‍കാന്‍ എ ബി സി ന്യൂസ് സമ്മതം അറിയിച്ചത്.
പ്രസിഡന്‍ഷ്യല്‍ ഫൗണ്ടേഷനും മ്യൂസിയത്തിനുമായാണ് തുക കൈമാറുക. ട്രംപിന്റെ കോടതി ചെലവായ പത്ത് ലക്ഷം ഡോളറും എ ബി സി ന്യൂസ് നല്‍കും.
ട്രംപ് ബലാത്സംഗ കേസില്‍ കുറ്റക്കാരനാണെന്ന് എ ബി സി ന്യൂസിന്റെ അവതാരകന്‍ പറഞ്ഞതിന് എതിരെയായിരുന്നു മാനനഷ്ടക്കേസ് ഫയല്‍ ചെയ്തത്. ഇക്കഴിഞ്ഞ മാര്‍ച്ച് 10 ന് ഒരു അഭിമുഖത്തിനിടെയായിരുന്നു അവതാരകന്‍ ജോര്‍ജ് സ്റ്റെഫാനോപോളോസിന്റെ വിവാദ പരാമര്‍ശം.
കേസ് ഒത്തുതീര്‍ക്കുന്നതിന്റെ ഭാഗമായി, ആദ്യം ഫോക്‌സ് ന്യൂസ് ഡിജിറ്റലും, എ ബി സി ന്യൂസും അവതാരകന്റെ പരാമര്‍ശത്തില്‍ ഖേദം പ്രകടിപ്പിച്ച് പ്രസ്താവന പ്രസിദ്ധീകരിക്കും.
1996-ല്‍ ഒരു ഡിപാര്‍ട്ട്മെന്റ് സ്റ്റോറിലെ ഡ്രസിങ് റൂമില്‍ വെച്ച് മാധ്യമപ്രവര്‍ത്തകയെ ട്രംപ് ബലാത്സംഗം ചെയ്തു എന്നായിരുന്നു കേസ്. എന്നാല്‍, കൃത്യമായ തെളിവുകളുടെ അഭാവത്തില്‍ കേസ് തെളിയിക്കാന്‍ സാധിച്ചിരുന്നില്ല.
Latest
മെക് 7 വ്യായാമ കൂട്ടായ്മ: മതവും രാഷ്ട്രീയവും ചേര്‍ക്കേണ്ടതില്ലെന്ന് അഹമ്മദ് ദേവര്‍കോവില്‍
വഖ്ഫ് ഭൂമി: ബി ജെ പി സംസ്ഥാന അധ്യക്ഷനെതിരെ കൈക്കൂലി ആരോപണവുമായി കര്‍ണാടക മുഖ്യമന്ത്രി
ലക്ഷദ്വീപുകാരനായ വിദ്യാര്‍ഥിയെ മര്‍ദിച്ചുവെന്ന പരാതി; എസ് എഫ് ഐക്കാര്‍ക്കെതിരെ കേസ്
കൂടല്‍ വാഹനാപകടം: മരിച്ച നാലുപേരുടെയും ഇന്‍ക്വസ്റ്റ് പൂര്‍ത്തിയായി; സംസ്‌കാരം വിദേശത്തുള്ള ബന്ധുക്കള്‍ എത്തിയ ശേഷം
ട്രംപിനെതിരെ അവതാരകന്റെ വിവാദ പരാമര്‍ശം; നഷ്ടപരിഹാരമായി 127 കോടിയിലധികം രൂപ എ ബി സി ന്യൂസ് നല്‍കും
വിദ്വേഷ പ്രസംഗം: ജസ്റ്റിസ് ശേഖര്‍ കുമാര്‍ യാദവ് സുപ്രീം കോടതി കൊളീജിയം മുമ്പാകെ ഹാജരാകണം
