Kerala
മാംസാഹാരത്തിന്റെ പേരില്‍ അധിക്ഷേപം; പൈലറ്റ് മരിച്ച സംഭവത്തില്‍ ആണ്‍സുഹൃത്ത് അറസ്റ്റില്‍
യു പി സ്വദേശിനിയായ പൈലറ്റ് സൃഷ്ടി തുലി (25)യെ മരിച്ച നിലയില്‍ കണ്ടതിനു പിന്നാലെയാണ് സുഹൃത്ത് ആദിത്യ പണ്ഡിറ്റ് (27) അറസ്റ്റിലായത്
മുബൈ | എയര്‍ ഇന്ത്യ പൈലറ്റിനെ ഫ്‌ളാറ്റില്‍ മരിച്ച നിലയില്‍ കണ്ട സംഭവത്തില്‍ ആണ്‍സുഹൃത്ത് അറസ്റ്റില്‍. യു പി സ്വദേശിനിയായ പൈലറ്റ് സൃഷ്ടി തുലി (25)യെ മരിച്ച നിലയില്‍ കണ്ടതിനു പിന്നാലെയാണ് സുഹൃത്ത് ആദിത്യ പണ്ഡിറ്റ് (27) അറസ്റ്റിലായത്. ഇയാള്‍ക്കെതിരെ ആത്മഹത്യാ പ്രേരണാക്കുറ്റം ചുമത്തി.
തിങ്കളാഴ്ചയാണ് യുവതിയെ മരിച്ച നിലയില്‍ കണ്ടത്. ആദിത്യ തുലിയെ മാംസാഹാരം ഒഴിവാക്കുന്നതടക്കം ഭക്ഷണ ശീലം മാറ്റാന്‍ നിര്‍ബന്ധിച്ചിരുന്നതായി അമ്മാവന്‍ പോലീസിനോട് പറഞ്ഞു. ഇതിന്റെ പേരില്‍ പരസ്യമായി അധിക്ഷേപിച്ചിരുന്നു. ആദിത്യയുടെ മോശം പെരുമാറ്റം കാരണമാണ് സൃഷ്ടി ആത്മഹത്യ ചെയ്തതെന്ന് ബന്ധുക്കള്‍ ആരോപിച്ചു. രണ്ട് വര്‍ഷം മുമ്പ് ഡല്‍ഹിയില്‍ പൈലറ്റ് കോഴ്സ് പഠിക്കുമ്പോഴാണ് തുലി ആദിത്യ പണ്ഡിറ്റിനെ പരിചയപ്പെട്ടത്.
തിങ്കളാഴ്ച രാവിലെ പണ്ഡിറ്റ് ഡല്‍ഹിയിലേക്ക് പോകുമ്പോള്‍ താന്‍ ജീവനൊടുക്കാന്‍ പോവുകയാണെന്ന് തുലി ഫോണില്‍ വിളിച്ച് അറിയിച്ചിരുന്നു. ഉടന്‍ തന്നെ മുംബൈയിലേക്ക് തിരിച്ചെത്തി ഫ്‌ലാറ്റില്‍ നോക്കിയപ്പോള്‍ അത് അകത്തുനിന്ന് ലോക്ക് ചെയ്തിരിക്കുകയായിരുന്നു. മറ്റൊരു ചാവി സംഘടിപ്പിച്ച് റൂം തുറന്നപ്പോള്‍ തുലി കേബിള്‍ വയറില്‍ തൂങ്ങിമരിച്ച നിലയിലായിരുന്നു. യു പി സ്വദേശിയായ സൃഷ്ടി തുലി കഴിഞ്ഞ വര്‍ഷം ജൂണ്‍ മുതലാണ് മുംബൈയില്‍ താമസമാരംഭിച്ചത്.
Latest
മഹാരാഷ്ട്ര മുഖ്യമന്ത്രി: മോദി ആരെ തിരഞ്ഞെടുത്താലും സ്വീകരിക്കുമെന്ന് ഷിന്‍ഡെ
എ ഡി ജി പി ആര്‍ എസ് എസ് നേതാവിനെ കണ്ടതില്‍ തെറ്റില്ല: ഇ പി ജയരാജന്‍
ഇ പി ജയരാജന്റെ ആത്മകഥ വിവാദം; അന്വേഷണ റിപ്പോര്‍ട്ട് മടക്കി ഡി ജി പി
കൊച്ചിയിലേക്ക് വിനോദയാത്രപോയ താമരശ്ശേരി ഭിന്നശേഷി വിദ്യാലയത്തിലെ കുട്ടികള്‍ക്ക് ഭക്ഷ്യ വിഷബാധ
സ്‌കൂള്‍ പഠനയാത്രയില്‍ നിന്ന് പണമില്ലാത്ത കാരണത്താല്‍ ഒരു കുട്ടിയേയും ഒഴിവാക്കാന്‍ പാടില്ല: മന്ത്രി ശിവന്‍കുട്ടി
കേരളത്തില്‍ രണ്ട് ടൂറിസം പദ്ധതികള്‍ക്ക് അനുമതി; 155.05 കോടി രൂപ അനുവദിച്ചു
